Home Enseñanza Competencia di cushina ‘Bin cu bo Wea’ di EPB/EPI ta bay ta...

Competencia di cushina ‘Bin cu bo Wea’ di EPB/EPI ta bay ta grandi

27
0
SHARE
- Advertisement -

ORANJESTAD  (AAN): Un grupo di docente di EPB y EPI a organiza un competencia cu yama ‘Bin cu bo Wea’ y durante un conferencia di prensa maestra di EPB Etline Croes a splica cu e ta bay ta un competencia di 8 cuminda crioyo, caminda cu 20 koki di cas lo guia 20 studiante, esta 10 di EPB y 10 di EPI.

E 20 kokinan aki lo pasa na conocemento riba con pa cushina 8 diferente cuminda crioyo na nos hobennan.

Ora cu nan caba di cushina, tur hende tin e oportunidad di cumpra e cumindanan aki.

E evento aki ta bay ta completamente bao di guia di un chef, cu ta docente na EPI.

E competencia ta bay tuma lugar riba Diadomingo 3 di December na EPI.

Entre 10.30 di mainta y 3’or di atardi por cuminza cumpra cuminda riba e dia ey.

Durante e conferencia di prensa, chef Alvin Leest di EPI a hiba palabra tambe.

El a splica cu for di hopi aña pasa nan tabata pensa kico pa hasi e cumindanan crioyo di Aruba.

“E soño ta cu un dia nos por haya tur e cumindanan crioyo na school, pa e muchanan wordo educa riba esaki y pesey nos a cuminza cu un competencia”, segun Leest.

E idea pues ta pa invita 20 ama di cas, pa nan siña 20 mucha pa cushina e cumindanan crioyo den 2 ora.

Jeffrey la Rosa di e programa ‘Live Kitchen pa Jeffrey’ y docente invita na EPI tambe a papia.

El a splica cu e cumindanan ta bay ta bonchi cora, concomber stoba, calbas largo stoba, carni stoba, keshi yena, kool stoba, kouwseband y papaya stoba bonchi largo stoba.

Tur berdura ta bon for di Santa Rosa, mientras cu e carninan y otro proteinanan ta EPI ta contribui cu esakinan.

Ta bay tin premionan bunita riba e dia di e competencia.

Oscar Steba, docente di EPI kende ta bay ta un di e hueznan cu ta yuda, a splica cu e tipo di competencianan aki ta importante, pasobra si nos kier hasi un cambio of educa den nos cultura, den nos sistema di come y den nos cushina, nos tin cu cuminza cerca e hobennan.

“E meta tras di esaki no ta solamente pa competi, sino pa educa pueblo”, segun Steba.

 

 

- Advertisement -

DUNA COMENTARIO

Please enter your comment!
Please enter your name here