Home arte y espectaculo Concierto Dominical “Donny Laclé”

Concierto Dominical “Donny Laclé”

17
0
SHARE
- Advertisement -

Diadomingo 3 di december den ambiente di Pasco

ORANJESTAD(AAN)– Diadomingo, dia 3 di december lo tuma luga e ultimo Concierto Dominical di e aña aki. Manera custumber e concierto ta tuma luga den Café Musical na Biblioteca Nacional na Playa for di 11.00 di mainta pa 1.00 di merdia.

E  biaha aki e comision organisado a hinca un bunita programa di Pasco den otro cu presentacion di diferente cantante y musico.

E concierto ta habri cu Mayra Kock –Garrido. Prome e ta presenta un coro di IPA, Cantare, un coro di hoben, y 2 solista.

Norman Arends y su amigonan Ilse y Robert ta e siguiente grupo. E grupo ta consisti di 7 guitarista y 3 cantante, kendenan tambe lo yena Café Musical cu un ambiente di Pasco.

Siguientemente Fundacion Donny Laclé pa Hoben Talento Musical lo haci entrega di un scholarship na diferente studiante di musica.

Nos ta cera e bunita mainta cu Rondalla Universo di Aruba. E grupo ta consisti di 11 cabayero cu ta canta y compaña nan mes riba guitara. Nan lo toca canticanan di Pasco bailabel, pa di e manera aki nos cera e aña aki ariba pista di baile.

Wel, diadomingo 3 di december tur hende ta bon bini pa bin pasa un rato dushi den ambiente di Pasco na Café Musical na Biblioteca na Playa.  Entrada ta gratis, pero un donacion den e caha di glas cu ta pasa rond, ta hopi bonbini pa otro aña nos por bolbe yuda nos hoben talentonan musical den nan futuro carera musical.

 

 

 

 

 

- Advertisement -

DUNA COMENTARIO

Please enter your comment!
Please enter your name here