Home Economia Contactonan internacional por conduci na proyectonan economico na San Nicolas

Contactonan internacional por conduci na proyectonan economico na San Nicolas

18
0
SHARE
- Advertisement -

Rocco Tjon parlamentario di MEP:

ORANJESTAD (AAN)—Durante e conferencia di prensa di partido MEP ayera mainta, parlamentario Sr. Rocco Tjon a elabora tambe riba topico di contactonan internacional y influencia cu esaki por tin pa economia di San Nicolas.

Contacto Internacional:

El duna di conoce cu ya caba tin diferente combersacion a tuma lugar, por ehemplo cu partners na Merca y nan tur tambe lo kier wak Aruba, mirando muy en particular con nos calidad di enseñanza ta aworaki, wordo perfila como e pionero riba nos region.

E parlamentario a subraya cu MEP lo percura pa e programa van Eisen, cu ta encera practicamente tur aspecto cu mester tene cuenta cune, pa cu Academia di Husticia, yega den man di Minister di Husticia mr. Bikker, pa asina di biaha, practicamente, e lo por tin un “overview” di e programa aki cu, den concepto di sr. Tjon, ta esun di mas cardinal aworaki, pa asina no pensa solamente riba termino corto pero tambe riba termino largo. El a acentua cu nan lo zorg pa e programa aki yega mesora na man di e dignatario pa asina cuminza traha cune.

Influencia economico pa San Nicolas:

Un aspecto bunita di e proyecto aki ta cu lo percura pa un inversion grandi wordo haci, muy en particular na San Nicolas, pasobra un proyecto grandi asina lo tin efecto positivo tambe riba e economia di e distrito aki.

“Nos a papia akinan cu varios organizacion di nos region, y Mericano tambe, cu lo bula bin Aruba pa zorg pa nan haya nan curso y training na Aruba. E ta importante pa pueblo sa cu ora ta trata di organizacionnan internacional manera na Merca, etc., nan tin un presupuesto destina pa e tipo di entrenamentonan aki den exterior. Pesey ta importante pa nos como Aruba posiciona nos mes como pionero di e Academia di Husticia y Seguridad. Pasobra nos no ta bay enfoca solamente husticia pero tambe riba e aspecto di seguridad”.

LO FORMALIZA TERENO DI SECURITY:

Parlamentario Rocco Tjon a subraya cu den futuro cercano lo formaliza tambe e trabao di e companianan di security pa e security guards brinda mas proteccion, y na mesun momento percura pa asina tin un mihor conexion cu e agentenan policial, pa asina nan traha miho hunto y combati criminalidad na un forma mas eficiente.

Structura:

E structura di e proyecto menciona ta tene cuenta cu tur aspecto y facilidad cu mester, manera un biblioteca moderno, organizacion pa asina por tin suficiente personal, no solamente docente pero tambe investigadornan pa asina por keda al tanto di tur desaroyo cu tin den e area di husticia.

 

- Advertisement -

DUNA COMENTARIO

Please enter your comment!
Please enter your name here