Home Turismo Cuarenta aña pasa a edificio di Concorde Hotel a habri su portanan

Cuarenta aña pasa a edificio di Concorde Hotel a habri su portanan

47
0
SHARE
- Advertisement -

RIU Palace Antillas a festeha esaki cu un Expo di Potret

ORANJESTAD (AAN): E siman aki ta uno importante pa e edificio den cual RIU Palace Antillas Hotel ta ubica.

E edificio aki ta cumpli e siman aki, su di 40 aniversario desde cu el a habri bao di e nomber di Concorde Hotel.

Tabata na November 1977 cu e hotel grandi aki a habri inoficialmente pa ricibi su prome huespednan.  Un momento special e tabata, y e tempo ey e conocido musico Victor Camacho a duna presentacion na su apertura.

Dialuna anochi, RIU Palace Antillas a ofrece un anochi special unda publico a wordo invita pa mira un Exposicion di Potret cu ta relata e 40 aña di e edificio aki, cu hasta a bira un landmark pa Aruba.  Y un biaha mas Victor Camacho tabata tocando piano pa entretene invitadonan y publico.

Victor a splica, cu tempo cu RIU Palace Antillas a habri tambe, el a toca na e apertura.  Pues semper e ta presente durante aperturanan na e monumental edificio.

Tabata presente tambe Freddy Molina, actual Beverage Manager di RIU Palace Antillas.  E tambe tabata un di e trahadornan cu 40 aña pasa na November a cuminza traha cu Concorde Hotel.  Y e tabata presente tambe na e ocasion aki.

Justin Carson di RIU Palace Antillas, tabata presente pa asina duna bon bini na e.o. Directora di Aruba Tourism Authority, Ronella Tjin Asjoe-Croes como tambe Jim Hepple di AHATA cu a bishita e Expo.

Diferente ex-trahador di tempo di Concorde, como tambe di tempo cu e tabata Hilton, ademas tambe Wyndham y Westin, a acudi pa mira e potretnan.

Hopi a combersa cu Freddy Molina, kende keto bay ta wordo considera un di e pilarnan di turismo di Aruba.  El a splica DIARIO, cu su mision den bida ta pa educa e hobennan cu awor ta drenta den e mundo di Horeca, pa nan sa exactamente tur loke ta come y bebe di e trabao ey.

E importancia ta pa tur trahador sirbi e huesped di e forma optimal, pues bay “beyond” cu loke e huesped ta spera.  Bo tin di pensa di antemano kico e huesped ta bay observa ora e ta na bo Hotel, y tin di cumpli cu su deseonan.

DIARIO ta kere cu Freddy Molina, y e demas miles di trahadornan na Hotelnan na Aruba, ta e motibo pakico e isla ta haya asina hopi ‘repeat-visitors’.

 

- Advertisement -

DUNA COMENTARIO

Please enter your comment!
Please enter your name here