Home Hudicial Curpa sin bida di Roshandrick Eugene Frans haya dera na Savaneta

Curpa sin bida di Roshandrick Eugene Frans haya dera na Savaneta

3860
0
SHARE
- Advertisement -

ORANJESTAD  (AAN): Locual hopi hende a verwacht, pero tabata spera cu no tabata asina, a bira realidad. Roshandrick Eugene Frans di 3 aña no tey cu nos mas.

Fiscal Mayor Hans Klaver a trece e tristo noticia aki Diamars atardi durante un conferencia di prensa na Ministerio Publico. 

Despues cu varios hende y instancia a participa na un accion di buskeda pa e mucha, Diadomingo anochi e padrastro cu ta deteni a admiti cu e ta envolvi den morto di Roshandrick di 3 aña y su ruman homber di 5 aña.

Segun Mr. Klaver, e padrastro a duna un declaracion den cual el a splica autoridadnan unda nan por haya e curpa di e mucha.

Diamars mainta pues autoridadnan a hasi un investigacion den area di Savaneta y a encontra e curpa sin bida dera den un pida tereno.

DIARIO a puntra e Fiscal Mayor si e curpa tabata dera den cura di cas di hende y el a bisa cu no.

“E investigacion ta cana ainda, unda cu e mama y e wela di e muchanan ta deteni ainda”. “Mientras cu e investigacion ta andando lo haya sa mas detaye di e rol cu e mama y wela lo por tabata tin den e caso dramatico y tragico aki”, segun e Fiscal Mayor, kende a sigui bisa cu aunque e lo kier bisa mas di e caso, door cu e investigacion ta andando esaki lo no ta prudente na e momentonan aki.

Prensa a puntra Mr. Klaver cuanto tempo e mucha tabata tin morto caba y el a bisa cu apesar cu e tin e informacion aki, e ta prefera di no bisa nada ainda di esaki.

Klaver a confirma cu e mucha a wordo dera den un tereno publico.

 

- Advertisement -

DUNA COMENTARIO

Please enter your comment!
Please enter your name here