Home Policial Den caso di DeVuyst keto bay Polis ta suplica testigonan pa yama...

Den caso di DeVuyst keto bay Polis ta suplica testigonan pa yama Tipline

1330
0
SHARE
- Advertisement -

ORANJESTAD (AAN): E investigacion rond di e asesinato cruel di Sarahi Sierra riba Diabierna den dia na DeVuyst, ta keto bay andando y Cuerpo Policial a dedica varios oficial hudicial riba e caso, pa asina den un forma di team-work traha riba tur detaye.

E cas mes unda cu e dama hoben di 19 aña di edad a wordo haya morto, a ser analiza por completo, pa tur tipo di vingerprint, tur tipo di cabey cu nan a haya abao riba piso, y mas.  Cada centimeter cuadra di e cas a wordo revisa!

Diabierna mes Fiscal a tuma e curpa den beslag, pero riba Dialuna ya caba e restonan mortal a wordo duna liber na famia, pa nan por planea e entiero.

Te ainda autoridad no a duna ningun informacion kico ta pasando cu e ‘chauffeur di interes” cu nan a papia cune Diabierna anochi trempan ora cu el a yega cu su Pickup Double-Cab den e area.  Famianan tabata furioso contra dje, y Polis a core actua y bay cu e chauffeur.

Sinembargo na DeVuyst, loke ta un tiki raro cu aunke tin hopi famia ta biba den e area, tog ningun a mira hende straño of movimento den e area.  Tambe tin e asunto di e smartphone di e victima, cu henter mainta tabatin un ‘last seen’ trempan, y dos ora despues cu a haye morto, diripiente un hende tabatin e smartphone y tabata ‘online’.  DIARIO a compronde cu awor autoridad a haya e smartphone y ta investigando esaki tambe.

Mas detaye DIARIO no kier duna pa no stroba e investigacion.

Sinembargo keto bay Cuerpo Policial ta suplica testigonan, pa duna nan tip na e Tipline 111-41 di Polis cu por yuda e investigacion.

Famia- y amigonan di Sarahi keto bay ta devasta cu e noticia increible aki.  Full un evento di Beach Volley a wordo posponi den fin di siman.  Sarahi ta un atleta y deportista hopi activo, y tur su coleganan a expresa nan tristeza riba Social Media.  Ex-alumnonan di Filomena College tambe ta recordando Sarahi cu bunita memorianan.

Por a nota cu pueblo ta preocupa cu e caso aki y e acto unda a kita bida di Sarahi den flor di su hubentud, a laga hopi hende tristo.  Incluyendo hendenan cu nunca a conoce, tabata hopi tristo mes den fin di siman.

Na famia di e fayecida, DIARIO ta expresa su mas profundo palabra di condolencia.

- Advertisement -

DUNA COMENTARIO

Please enter your comment!
Please enter your name here