Den e diseño nobo di aeropuerto tin cu percura pa cumpli cu e standardnan nobo pa Merca

    222
    0
    SHARE
    - Advertisement -

    Jurgen Benschop, COO di Aruba Airport Authority:

    ORANJESTAD  (AAN): Aeropuerto ta den su fase di ampliacion. Ya caba nan a ricibi dos slurf, pa asina reemplasa e dosnan cu nan tin mas pariba di e terminal, mehorando asina e calidad di servicio. Den futuro, e dos terminalnan cu Aeropuerto tin, esun Mericano y esun cu ta bay e resto di e destinacionnan, lo bay merge den un solo.

    Jurgen Benschop, COO di Aruba Airport Authority, ta conta cu na Aruba e preclearance ta data for di añanan 70. E tempo ey, Aruba Airport tabata un di e prome aeropuertonan p’afo di Merca cu tabata tin preclearance. Esey ta haci cu awor aki nan ta un di esunnan mas bieu. Tur e aeropuertonan nobo cu a wordo traha, ta cumpli cu e standardnan nobo, na Aruba no ta cumpliendo cu esey mas. Den e diseño nobo tin cu percura pa cumpli cu e standardnan nobo pa Merca, pa bay Merca, di CBP y di TSA, cual ta aspectonan di siguridad.

    Segun Benschop, e idea ta cu e cambionan nobo, cu e pasahero no mester recoge su maletanan mas. Kier purba di elimina mayoria stop den e proceso. E proceso pa e pasahero cu ta biaha via Merca, tin cu pasa via 9 pa 10 stop. Cu e proyecto nobo lo bay elimina mayoria di e stopnan ey, caminda cu e pasahero por yega na e gate mas lihe y e tin mas tempo, cual ta Leisure time, pa e por hang around, shop, gasta tiki cen prome cu e sali for di Aruba.

    Esaki ta djis e comienso, segun Benschop. Tin cu bisa cu manera cu e plannan keda cla cu cuminsa cu e destaho cu cuminsa cu e trabaonan, ta bay cera un gran parti di e aeropuerto parti pabao, unda cu e trabaonan lo tuma luga. Eventualmente ta bay wak cambionan parti paden tambe. E aeropuerto mester keda operacional. Ta bay pasa den un fase unda cu lo bay uza partinan di e aeropuerto. Ta bay tin construccion y operacion andando na e mesun momento. Pero tur esaki lo wordo comunica debidamente cu tur usuario y tambe cu comunidad di Aruba.

    Manera cu e plan ta mustra, cu pa 2022, e prome fase di e construccion ta planea pa keda cla. Eynan e ora ta bay haya un ampliacion di tres gate mas. Awor aki tin 20. E ora lo bay tin un total di 23 gate, caminda cu por acomoda e vuelonan pa Merca y vuelonan pa otro destino, na un gate cu un bridge.

    Awor aki a drenta den e winterschedule, cual ta e temporada mas druk, cu ta core for di October pa Maart. E summer schedule ta core di Maart pa October. E winterschedule ta e lunanan di mas druk, pasobra mayoria di biahero ta bin for di ariba, door cu ta bira friu na Merca, nan ta bin pasa nan vakantie na Aruba, cu ta destinacion mas calor. Mirando awor aki e daño cu horcan a haci den e region, hopi competencia den e area di Caribe, no por acomoda mas e pasaheronan. Aruba a haya mas demanda.

    - Advertisement -

    DUNA COMENTARIO

    Please enter your comment!
    Please enter your name here