Home Labor Departamento di labor y Dao cu encuesta forza laboral

Departamento di labor y Dao cu encuesta forza laboral

21
0
SHARE
- Advertisement -

ORANJESTAD(AAN)—  For di awe, dia 3 di november te cu dia 30 di november 2017 Departamento di Labor y Investigacion (DAO) lo tene su di shete Encuesta di Forsa Laboral (EFL 2017). E EFL 2017 lo tuma lugar den cooperacion cu e Oficina Central di Estadistica (CBS) como tambe di Banco Central di Aruba. E EFL 2017 tin como meta, forma un imagen actual y completo di e mercado laboral di Aruba.

Un meta importante di e EFL 2017 ta e midimento di e cifra di desempleo pa Aruba. Pa medio di e informacion recogi tambe lo determina otro caracteristicanan y indicadornan importante di e mercado laboral cu ta necesario pa un analisis mas profundo di e mercado laboral, manera e.o. e grado di participacion y e nivel di educacion di e trahadornan.

E datonan y e tendencianan señala door di e encuesta lo sirbi nos gobernantenan, investigadornan y empresarionan como un fuente cu lo yudanan pa stipula, mehora y detaya nan maneho pa cu e mercado laboral.

Con bo persona por yuda?

Pa e EFL 2017 a scoge un muestra di adresnan reparti riba henter Aruba. Si bo adres a cay den e adresnan escohi, nos ta pidi’bo cordialmente pa duna bo colaboracion na nos encuestador. Den e encuesta lo entrevista solamente esnan di 15 aña bay ariba .  No ta importa si e persona ta traha of no. Pa medio di e cuestionario lo bo contesta algun pregunta riba bo situacion actual como parti di e mercado laboral.

E encuestadornan lo bishita e adresnan selecta di dialuna pa diadomingo entre 08.00 a.m. y 08.00 p.m.. E encuestadornan lo identifica nan mes cu un badge special di DAO y nan lo bisti un t-shirt cora cu logo di DAO. Den caso cu no tin ningun hende na cas, e encuestador lo laga un carta atras cu su number di telefon. Nos ta pidi bo pa por fabor tuma contacto mas liher posibel cu e encuestador pa traha un cita cun’e. Tambe bo por yama DAO pa asina traha un cita.

Privacidad

Lo procesa tur informacion anonimamente y lo publik’e solamente den forma agrega. Bo privacidad ta garantisa pa Departamento di Labor y Investigacion.

Bo informacion lo contribui na mehora e bista riba desaroyonan den e mercado laboral di Aruba. P’esey bo participacion na e EFL 2017 ta esencial.

Nos ta gradici’bo di antemano pa bo participacion na e EFL 2017. Pa mas informacion riba e Encuesta di Forsa Laboral 2017, bo por tuma contacto cu number di telefon 523-7720 y puntra pa un di e trahadornan di e Oficina di Investigacion di Mercado Laboral (Bureau Arbeidsmarktonderzoek).

- Advertisement -

DUNA COMENTARIO

Please enter your comment!
Please enter your name here