Home Cultura Departamento di Monumento bishitando scolnan pa duna charla

Departamento di Monumento bishitando scolnan pa duna charla

5
0
SHARE
- Advertisement -

ORANJESTAD(AAN): — Departamento di monumento ta hopi druk no solamente den cas, pero tambe riba caya ta bezig den diferente scol. Ta hibando algun charla y ta importante pa tende con esaki ta bay y kico ta su resultado.

Segun directora di Departamento di Monumento, Yvonne Webb-Kock, a splica cu na Maart 2017, a cuminsa cu nan charlanan na scol y esey a tuma luga na un momento hopi special, unda cu a scoge un scol cu ta un monumento proteha, cual ta scol Reina Beatrix y cu a bay bishita pa duna e prome charla.

E presentacion e dia ey a wordo haci door di sra. Every y por bisa cu minister presidente Eman y Webb-Kock como directora di Departamento di Monumento, mester a sinta den klas pa sigui full e charla aki, pa haya sa mas detaya di nos monumentonan, conhuntamente cu mas of menos un 80 alumno cu a sigui full e charla aki.

Ta dunando e lesnan aki na tur scol di Aruba. Webb-Kock a gradici tur directiva di tur scol cu a duna nan aprobacion cu por a duna e charla aki na e scolnan di Aruba.

Ta duna e lesnan aki na 4de, 5de y 6de klas basisschool y cada les ta dura 45 minuut. E ta un momento hopi bunita ora cu ta wak con e muchanan ta reacciona, pero tambe nos maestronan.

Nan kiermen nan tin hopi falta di informacion pa duna over di nos herencia. Durante tur e 21 aña di existencia di Departamento di Monumento, a compila hopi informacion y tin cu ta wordo comparti tambe den e paseo monumental.

Ora cu ta bay scol, no solamente e charla ta wordo duna, pero e maestronan tambe ta ricibi e foyeto di paseo monumental cu ta conta over di elementonan tipico di nos casnan di cunucu. Pero tambe ta mustra riba deseo di monumento proteha, cu ta inspira riba nos casnan florea.

Esaki ta algo educativo cu a prepara mas cu un aña pe, pa prepara e material tambe, pa duna e les aki. El a wordo haci door di full e team di Departamento di Monumento.

Edward Robles y Patrick Christiaans ta encarga cu e charlanan cu ta wordo duna na tur scol. Yvonne Webb-Kock ta haci un suplica na tur maestro pa no warda te Maart atrobe.

Sa cu ta luna di cultura y tur hende kier e ora ey e charla. E programa aki ta un programa cu ta tres aña lo ta bezig cun’e, pa pasa tur scol di Aruba. Pa esunnan cu specialmente kier e departamento den Maart, yama sr. Edward na Departamento di Monumento y por registra for di awo caba cu tin peticion pa bay na scol, na luna di Maart.

Tur e otronan cu no a haya charla, por yama tambe si nan kier adelanta e schema cu tin pa e siguiente tres añanan. Ta pidi un y tur pa apoya e muchanan pa nan haci hopi pregunta.

E preguntanan ta hopi interesante. Yvonne Webb-Kock ta kere cu esaki ta un proyecto hopi bunita y por anticipa cu lo tin un di dos charla ta den preparacion riba nos casnan florea.

 

- Advertisement -

DUNA COMENTARIO

Please enter your comment!
Please enter your name here