Home Hudicial Diabierna e sentencia ta cay pa homber cu a mishi cu pechonan...

Diabierna e sentencia ta cay pa homber cu a mishi cu pechonan di un dama

112
0
SHARE
- Advertisement -

Fiscal a exigi 2 aña di prison

ORANJESTAD (AAN): Diabierna mainta Hues di Corte den Promer Instancia ta dicta sentencia den e caso penal contra e homber N. Tratamento di e caso aki a tuma lugar luna pasa, caminda tabatin un discusion interesante entre Fiscal y abogado. E discusion tabata riba e castigo exigi pa Fiscal cual e abogado mr Illes ta haya absurdo halto.

ACTO INMORAL:

E acusacion cu Fiscal a presenta luna pasa contra N. ta cu dia 27 Februari 2017, el a haci actonan inmoral cu un dama cu tabata burachi drumi.

Hues a bisa cu segun e procesverbaal di Polis, e dama Hulandes a declara cu e homber N. tabata su mecanico. Dia 27 Februari 2017 anochi el a topa N. y a bis’e cu tin problema atrobe cu e auto. N. a bise pa check e auto e ora ey. E dama a bis’e cu e ora ey no y el a bay cas y drumi. Segun e dama, ora el a lanta el a haya N. banda di dje ariba cama. El a cuminsa grita y N. a choke pa e calma. Den e cas tabata kedando un otro persona cu hunto cu e dama ta kedando di pasantia. E compañante a purba habri e porta pero esaki tabata na lock. E dama a bisa su acompañante pa yama Polis. N. a purba sali for di bentana pero no logra. El a core sali for di e cas cu un paña ta tapa su cabez.

E acompañante a bisa cu anochi el a scucha e porta habri y sera pero no a mira nada. Na dado momento el a scucha e dama ta grita y el a ripara cu e porta ta na slot. Despues el a mira un homber cu cabez tapa sali bay.

E sospechoso N. a bisa Hues cu el a bay na e apartamento pa horta y no tabatin relacion cu e dama.

DISCUSION:

Fiscal a bisa Hues cu promer ta papia di actonan inmoral pero despues N. a bisa cu el a bay pa horta y tabatin violencia. E declaracion di e victima, un dama Hulandes cu tabata pasando pasantia na Aruba, ta bisa cu el a spierta y haya N. sunu banda di dje riba cama.

Fiscal a bisa Hues cu e ta kere mas e declaracion di e victima cu esun di N. Fiscal a bisa cu aki ta trata di actonan inmoral. E otro cos cu a sosode ta cu ora e dama a cuminsa grita, N. a choke. E otro persona kedando den e cas no por a drenta e camber pasobra e porta tabata sera na yabi.

Na opinion di Fiscal, e hecho cu N. a drenta e camber y sera e porta na yabi ta mustra cu e tabata kier a haci actonan inmoral. Un ladron lo laga e porta habri pa asina e sali mas liher posibel.

Fiscal a sigui bisa cu esaki a sosode den e cas di e dama, den su camber. Den e cas caminda e mester sinti su mes sigur. Fiscal a exigi 3 aña di prison di cual 1 aña ta condicional y un tempo di prueba di 3 aña.

Abogado mr. Illes a reacciona cu Fiscal ta acusa N. di a haci actonan inmoral cu e dama door di a mishi cu su pechonan. E abogado a remarca cu e dama a bisa cu e tabata burachi pasobra nan tabata fiesta. E dama mes ta bisa cu N. no a haci actonan sexual. E dama ta kere cu N. tabata mitar sin paña. E dama no ta bisa cu despues cu N. a lag’e los, a bisti su paña back. E abogado a bisa cu e sospechoso tabatin boxer bisti y facilmente e dama lo por a sinti su parti intimo pero esey no por papia di actonan inmoral. E mishimento na pecho ta ora cu tabatin luchamento cu e dama pa e keda keto. E sospechoso a splica cu el a bay pa horta y ora su pia a dal na mesa, e dama a spierta. E ora ey, el a sera e porta. Na opinion di mr. Illes, esaki ta mustra logico. E ta haya cu mester declara N. liber di actonan inmoral. E abogado a remarca cu e castigo exigi ta absurdo halto. El a bisa Hues cu tabatin casonan hopi mas serio caminda tabatin penetracion y e castigo cu e sospechoso a haya tabata menos. El a remarca, cu pa solamente di a mishi na pechonan di e dama durante un luchamento, Fiscal ta bay exigi 3 aña, ta absurdo.

Diabierna mainta sentencia ta cay y DIARIO lo informa lectornan kico Hues su decision ta.

 

- Advertisement -

DUNA COMENTARIO

Please enter your comment!
Please enter your name here