Home Beyeza Dialuna anochi Miss Aruba a luci den competencia di preliminar

Dialuna anochi Miss Aruba a luci den competencia di preliminar

236
0
SHARE
- Advertisement -

ORANJESTAD (AAN): Alina Mansur, kende ta representando Aruba na e certamen di Miss Universe, a participa Dialuna den e competencia preliminar na Planet Hollywood Resort & Casino.

E concursantenan a pasa e ultimo siman ta entrena, graba, haci bishita, y prepara pa competi pa e corona di Miss Universe na Las Vegas.

Alina y e demas candidatanan a uni tambe cu Smile Train, pa comparti sonrisanan rond mundo door di yuda muchanan cu ta biba cu lipnan cleft den tercer mundo, pa mira nan sonrisa pa prome biaha.

E Embahador di Aruba, Alina Mansur, y e candidatanan lo participa tambe den un actividad pa pacientnan di Smile Train, cu a pasa den cirugia pa drecha e cleft entre nan lip y nanishi, pa asina e pacientnan por mira nan mesun sonrisa pa prome biaha despues di cirugia.

Smile Train ta un instancia caritativo internacional pa muchanan cu ta duna operacion gratis pa drecha cleft, y tambe cuido despues di cleft pa muchanan na paisnan den desaroyo.

Como Miss Universe, nan lo dedica parti di e aña pa traha cu Smile Train.

Aruba tin un candidata cu ta sobresaliendo, e ta un persona hopi humanitario, inteligente, cu tur chens di gana.  Bo por hasta vota online pa e tin chens di gana.

E certamen mes di Miss Universe lo pasa Diadomingo awor 26 di November pa 8:00 pm (ora di Aruba).  Na Merca e lo pasa na Fox Network.

 

- Advertisement -

DUNA COMENTARIO

Please enter your comment!
Please enter your name here