Home Social Dialuna awor ta conmemora Dia Internacional di Derecho di Mucha

Dialuna awor ta conmemora Dia Internacional di Derecho di Mucha

51
0
SHARE
- Advertisement -

ORANJESTAD  (AAN): Dialuna, 20 di November, ta un dia importante, riba cual mundo ta conmemora e adopcion di e Declaracion Universal di e Derechonan di Mucha na aña 1959. Esaki ta e fecha tambe riba cual a aproba e Tratado di Derecho di Mucha na aña 1989.

E Tratado aki ta stipula un cantidad di derecho, cu ta inclui aspectonan di salud, enseñansa, recreacion, como tambe e bida familiar, proteccion contra violencia y discriminacion y cada mucha nan derecho pa nan opinion wordo scucha.

Na aña 2001 Aruba tambe a firma e Tratado aki, haciendo asina e compromiso pa proteha di un forma mas completo posibel e  desaroyo di e mucha den su personalidad, talento, capacidad emocional, mental y fisico.

E fecha aki ta wordo celebra den paisnan den forma di actividad, sinembargo ta bon pa tuma e momento aki pa refleha riba e con leu Aruba ta cu e implementacion di e derechonan di mucha aki na Aruba.

Tin varios desaroyo positivo cu a tuma luga caba, pero ainda tin espacio pa hopi mehoracion. E compromiso pa sigui cu e ambicion pa tur mucha por disfruta di tur nan derechonan t’ey. Comision Derecho di Mucha tin e tarea pa sigui e desaroyonan aki y tambe raporta esakinan.

Pa por duna informacion na nos comunidad encuanto e Tratado na un manera mas efectivo, e Comision a lansa recientemente e website:www.derechodimucha.org

Riba e website por haya tur informacion tocante e articulonan den e Tratado na tres diferente idioma, Papiamento, Hulandes y Ingles. Tambe e raportahenan di Aruba na Nacionnan Uni y e recomendacionnan cu Aruba a ricibi lo ta disponibel.

Pa medio di e articulo aki, Comision Derecho di Mucha kier invita tur educador y docente pa usa e siman cu ta bin pa trece mas conscientisacion riba e tema cerca e muchanan tocante nan derechonan.

- Advertisement -

DUNA COMENTARIO

Please enter your comment!
Please enter your name here