Home Salud Dietista ta indica cu mester stop di tira excusa cu fruta y...

Dietista ta indica cu mester stop di tira excusa cu fruta y berdura ta caro

206
0
SHARE
- Advertisement -

ORANJESTAD(AAN): Ora di sugeri algun hende pa nan baha man na junk food y come mas fruta y berdura… Hopi biaha ta tende e excusa cu “berdura y fruta ta caro”.

Dietista Adelita Henriette no ta comparti e pensamento aki. E combersacion aki tabata dirigi riba e dia Mundial di Diabetes.

A haci un comparacion aña pasa, y tin hasta un foyeto traha di dje.  Ora ta bisa cu cuminda saludabel ta caro, no ta berdad.

Por ehempel, un pastechi costa como 2 Florin.  Un kipashi ta banda di 4 Florin.  Dos pastechi bo ta come pa 4 Florin, bo ta com’e den un dia.

Un kipashi integral costa un tiki mas cu 4 Florin, y cuanto dia bo ta come di e kipashi eynan.

Comparacionnan asina ey el a haci.

Cu Fruta, hopi biaha  problema ta cu ora di bay come fruta, ta cumpra un saco di 8 pa 10 fruta. E prijs ta halto.  Si por cumpranan los, e ora ey e prijs por ta mihor, pasobra bo por adapta na bo budget y cuanto bo tin mester.

Hopi di e cosnan ta enpaketa y tin cu cumpra nan na grandi. Mester tene cuenta cu e cantidad cu bo ta cumpra. Tur cos ta worde importa na Aruba, mayoria fruta y berdura, pero si nos mes por planta nos promenton, nos tomati, nos selder, bo ta spaar hopi cen caba. E ta bira mas economico p’abo, si bo mes ta haci algo. E ta un excusa.

E ta un mito cu cuminda saludabel ta caro. Si bo tin cu siña cushina y tambe ora bo ta uza e berduranan mas curu, mas salada, e ta mas economico tambe, cu ora bo ta herbe nan semper. Esey tambe ta un otro tip, cu ta yuda pa come mas economico. Si hendenan ta interesa den e guia aki, nan por bin busca e informacion aki dia 14 di November, unda cu na Camacuri lo tin e feria y caminda cu lo bay tin mas informacion.

Kico por spera riba Dia Mundial di Diabetes

E programa ta hopi varia. E lo ta na Camacuri den Rumbastraat, dilanti di AZV. E bus di salud lo bay tey. Dimes nan ta bay prik sucu, check presion, colesterol, peso y paden bo ta haya conseho cerca dietista. Paden tambe, den e kantoor, den e edificio di Imsan, lo bay tin checkeo di wowo. Lo tin charla henter dia y tambe lo bay tin tips pa hende grandi cu no por move hopi mas, haci ehercicio sinta riba stoel. Y tambe lo bay tin snacks saludabel cu tur nan recetanan. Esey ta for di 9’or di mainta te cu 2’or di atardi. Ta spera un y tur, no diabeticonan so, hendenan cu kier check nan sucu y sa mas informacion, pa nan yega. Tur cos ta cla. E controlnan aki lo ta gratis.

Bus di salud ta hunga un rol importante den e cuido. Asina aki por spoor op e pre-diabeticonan, y hasta e diabeticonan tin ora. Hendenan cu tin sobrepeso, BMI riba 30, specialmente. Nan tin un risico masha grandi pa bira diabetico y tur biaha ora e diabetes ta worde diagnostica, e tabata sconde cinco aña caba. Ora ta check’e e ta bon, tin ora e ta halto, tin ora no. E curpa ta bezig pa controla e sucu, pero despues, e no por mas, e ora ey e ta sali y bo ta bira diabetico. Pero hopi biaha e ta cinco aña bezig y hopi complicacion por a cuminsa caba, sin cu e persona sa. E ta bon pa ora e worde diagnostica, pa cuminsa check su wowo, check su riñon, su curason, tur esey mester worde controla, desde e momento ey padilanti, ora e ta diabetico. E proceso ey ta worde guia na Imsan.

 

 

- Advertisement -

DUNA COMENTARIO

Please enter your comment!
Please enter your name here