Home Tempo DMA a mustra desde comienzo di siman cu awacero tabata na caminda

DMA a mustra desde comienzo di siman cu awacero tabata na caminda

27
0
SHARE
- Advertisement -

ORANJESTAD(AAN: Manera cu Meteo a anuncia for di cuminsamento di siman, e area di presion abao cu a desaroya den e parti zuidwest di lama Caribe, a cuminsa cana bay slow noordoost.

E ora el a cuminsa influencia nos tempo banda di diaranson, cu pa colmo el a bin interactua cu disturbio na nivelnan mas halto di e atmosfera. Esey a pone cu a haya e awasero. Segun director interino, David Barkmeyer, e problema ta e awa ta keda para un caminda.

E afvoer no lo ta 100%. Pa fin di siman, e sistema lo keda draai rond den e area den Caribe y ta keda bay slow. Nos ta keda bao di su influencia te cu diadomingo. Despues di esey probablemente no mas.

Poco poco e influencia ta bay kitando si. Spera, vooral den oranan di marduga pa manece, e ora ey ta haya cu e disturbionan na nivelnan mediano y mas halto ta bira mas activo. Spera e ora por haya algun awasero mas, plus chens pa lamper cu strena ta grandi tambe.

Den oranan di marduga pa mainta tempran, ta e oranan cu por bisa cu ora tin e disturbionan ey na nivelnan mas halto, e ora nan ta gusta activa.

Awe tambe tabata tin strena y lamper. Un dia anterior mes tabata mesun cos. Tin cu spera esaki pa e proximo dianan, kisas no mes tanto awa, pero lo cay algo si, segun Barkmeyer.

Door cu ta un sistema mas abao, e biento ta swak. De bes en cuando e ta bin di tur direccion. Mayoria biaha ta haya biento di noord pa noordoost swak. Esaki lo ta diasabra pa diadomingo y pa dialuna e patronchi por normalisa. E biento no lo bay pick up hopi fuerte, pero e situacion ta bay normalisa si.

Pa e proximo oranan:

Segun Barkmeyer e tempo a stabilisa basta. Nos lo keda basta nubla si. Pero pa marduga pa mainta, e chens pa awa ta hopi mas grandi atrobe. Por keda den e proximo dianan of dos bao di influencia di e sistema aki, despues poco poco e ta trek bay y no lo tin problema mas.

- Advertisement -

DUNA COMENTARIO

Please enter your comment!
Please enter your name here