Home Deporte Don Flip Racing team honra cu bishita di Ed Fausel Di ZMax...

Don Flip Racing team honra cu bishita di Ed Fausel Di ZMax Race Park

16
0
SHARE
- Advertisement -

ORANJESTAD (AAN) – Un persona cu sigur ta hopi conoci na Merca den e mundo di e motorsport di dragracing sin duda ta sr. Ed Fausel.

Fausel tin algo mas cu 20 aña ta traha pa e dos organisacion mas grandi na mundo den dragracing esta International Hot Rod Association y tambe e ta traha cu ZMax Race Park desde su apertura 7 aña pasa. Fuera di esey Fausel ta duna lectura y presentacionnan den tur loke ta event management rond di Merca y sin duda ta un persona mas humilde y semper dispuesto pa duna su mihor consehonan.

 

Den luna di FebruarI ultimo parti e crew di Don Flip Racing Team a atende e apertura di e Sportmans National Series na West Palm Beach y a keda fascina cu e trabaonan desplega di sr. Fausel durante e tres dia/anochinan di e caredanan. Despues di esaki tawata tin un “blind raffle”” entre e ehecutivonan di IHRA unda Fausel a logra gana un long weekend stay na Aruba y mas cu claro a probecha di esaki pa asina celebra tambe su aniversario di boda hunta cu su esposa Tina.

 

Por bisa cu Ed Fausel no solamente conoce e aspectonan organisatorio di e 110 pistanan afilia cu IHRA pero tambe ta e event director/starter na e fasilidad di drag racing mas grandi na mundo esta ZMax Race Park. E facilidad aki ta e unico den su estilo unda cu tin 4 “lanes” cu ta duna espacio na caredanan y shownan simplemente mahestuoso

 

  • Mester enfatisa cu su trabao no solamente ta keda te aki ya cu Fausel ta un asina yama “Certified Inspector” pa tur loke ta trata seguridad na e facilidadnan di drag racing. Su trabao hopi biaha ta recomenda ahuste y mehoracionnan na e facilidadnan. Fuera di esey Fausel ta un NHRA licensed official cu ta duna curso na tur esnan cu ta traha riba un pista di drag racing na Merca.

 

Don Flip Racing team sigur a keda encanta cu tur loke Fausel a comparti durante un dinner ya cu semper esaki lo sirbi pa mehora e producto drag racing aki na Aruba. Don Flip Racing conhuntamente cu Around Aruba Tours ta bai tin mas ehecutivo tanto di IHRA y di NHRA na Aruba pa asina sigui cu e upgrading di nan conocimiento y semper ta dispuesto pa comparti esaki cu tur esnan cu ta interesa.

 

- Advertisement -

DUNA COMENTARIO

Please enter your comment!
Please enter your name here