Home Hudicial Door di su adiccion na droga awor homber ta usando aparato pa...

Door di su adiccion na droga awor homber ta usando aparato pa hala rosea

369
0
SHARE
- Advertisement -

El a wordo condena na 17 luna di prison pa bendemento di droga

ORANJESTAD (AAN): Hues a tuma un acusado, esta e homber T. na malo pasobra sabiendo cu droga ta malo y cu droga a haci’e malo, T. tabata bendiendo droga pa mas o menos 2 aña.

E detenido T. actualmente ta sera den Prison di KIA y ta usando un aparato pa hala rosea. Hues a confirma e exigencia di Fiscal cu ta 21 luna di prison di cual 7 luna ta condicional cu un tempo di prueba di 3 aña.

    BENDEMENTO DI DROGA:

   E acusacion cu Fiscal a presenta contra T. ta cu entre 2 Maart 2015 y 2 Maart 2017 e tabata den posesion di cocaine y marihuana. Tambe Fiscal ta acusa T. cu entre 2 Maart 2015 pa 2 Maart 2017, e tabata bende droga.

Hues a mustra cu dia 2 Maart 2017, Polis a tene razia na cas di T. relaciona cu un otro caso y a bin haya diferente saco cu cocaine y marihuana. En total a confisca, 62.2 gram di cocaine y 342 gram di marihuana.

Hues a bisa cu T. a declara na Polis cu el a cumpra e cantidad di droga aki, dos dia promer y cu e tin 2 aña caba ta bende droga. El a bisa cu e tin cliente fiho.

  1. a bisa Hues cu e ta biba 2 aña na Savaneta pero e tabata bende droga 1 aña y mey. El a bisa cu e tabata bende droga pa e por usa un product pa baha peso pasobra e tabata hopi gordo y tabata haya dolor di joints. El a bisa tambe cu 5 aña pasa el a wordo haya cu droga pero esey tabata pa uso personal.

    MALO Y TA SIGUI BENDE DROGA:

El a bisa cu e tabata bende droga pasobra e no por a haya trabao. El a bisa cu 9 biaha el a busca ayudo na Aruba y 2 biaha den exterior pa su adiccion. E sospechoso T. a splica cu door di adiccion di droga, el a bira malo y ta bao tratamento. E ta usando aparato pa hala rosea.

Hues a remarca cu T. mes a mira con malo droga ta, pakico e ta bay bende! Segun T. e no tabatin otro solucion. Hues a bisa cu apesar di sa cu e droga ta haci hende malo, T. tabata bende toch pa e haya placa.

Hues a mustra cu T. a bisa cu el a cumpra 1250 florin pa 100 gram y cu 400 florin pa 100 gram y tabata bende nan pa e dobbel. E tabata cumpra e cantidad aki pa luna.

  1. a bisa cu e mester usa aparato di oxigeno ora di drumi. E sospechoso a bisa cu e no ta haya e tratamento adecuado den KIA. Fiscal a reacciona cu na KIA ta duna atencion medico y si ta necesario lo manda e persona specialista.

    EXIGENCIA DI FISCAL:

Fiscal a bisa cu e ta haya legalmente proba cu T. tabata bende. El a bisa cu T. a bisa na Hues Comisario cu e ta bendiendo 1 aña y 6 luna. Den Corte T. a bisa e mesun cos. Fiscal a tene esaki na cuenta. El a bisa cu dentro di 5 aña, T. ta deteni atrobe pa droga. Fiscal ta considera esaki como residivista. El a spica cu segun maneho di Ministerio Publico, pa bendemento di droga durante 1 aña y e cantidad cu a haya, ta exigi 20 luna di prison.

Den e caso aki, Fiscal a bisa cu e ta tene cuenta cu salud di T. El a remarca cu T. sa cu e ta malo y ora e ta cay sera e ta reclama cu e ta malo. Na opinion di Fiscal, ta logico cu T. ta reclama cu e trato na KIA ta malo. Fiscal a remarca cu si T. no kier esaki, e mester stop di bende droga. T. masha bon kico droga ta haci cu hende. Ta pesey e ta malo. Sinembargo e no ta worry cu esaki y ta bende.

Fiscal a exigi 21 luna di prison di cual 7 luna ta condicional y tempo di prueba 3 aña. Tambe Fiscal a exigi pa destrui e droganan confisca.

DEFENSA:

Abogado mr. Zarra ta haya cu mester tene na cuenta cu e salud di T. E ta comparti punto di bista di Fiscal pa un tempo di prueba largo pero no ta haya cu T. mester ta sera asina tanto den KIA.

   SENTENCIA:

Hues a sera tratamento di e caso y dicta sentencia di biaha. Hues ta condena e hecho cu T., sabiendo cu droga ta malo, ta bende droga y tabata sera caba pa asunto di droga.

Hues a bisa cu e ta haya cu Fiscal a tene suficiente cuenta cu e situacion di T. Hues a confirma exigencia di Fiscal y a condena T. na 21 luna di prison di cual 7 luna ta condicional cu un tempo di prueba di 3 aña. Esey ta nifica cu en realidad T. mester sinta 14 luna y despues ta liber pero durante 3 aña e mester comporta su mes sino e lo por haya e 7 lunanan cu ta condicional. Hues tambe a duna orden pa destrui e droganan confisca.

 

- Advertisement -

DUNA COMENTARIO

Please enter your comment!
Please enter your name here