Home General Douane lo tene encuentro cu Fiscal encuanto botonan cu ta drenta cu...

Douane lo tene encuentro cu Fiscal encuanto botonan cu ta drenta cu gasolin

43
0
SHARE
- Advertisement -

ORANJESTAD(AAN): Na Aruba ta prohibi pa gasolin bin den bulk.  No obstante esey, keto bay tin movimento di gasolin.

Ricky Croes, director di Douane a splica cu a haya dos boto caba ultimamente. Tabata tin botonan cu a bin y gasolin a worde confisca. Tin cu deal cu esey. Ta e combersacion cu lo bay tin cu Officier van Justitie pa wak kico e proceduranan lo bay ta despues cu confisca esakinan. E informacion aki lo worde divulga despues cu papia cu Officier riba dje.

Casonan den corte:

Den corte tabata tin casonan caminda cu gasolin den tanki ta worde mira como contrabanda. Nan ta bay dos biaha pa dia cu un tanki. Un boto ta bin cu un tanki yen y despues di algun minuut ta sali cu tanki bashi pa bolbe yen’e. Croes a splica cu tur e problemanan aki a worde tuma den consideracion y studia e miho manera pa por pak aan esaki.

Ora cu nan bin cun’e den tanki, e ta worde conta como Scheepsvooraad. Ta caminda cu hues ta bisa cu si tin’e como scheepsvoorraad, ta poni den ley cu e mag di drenta cun’e. Una bes cu e sak’e, el a cambia su bestemming e ora y tin cu paga riba dje. Tin otro cosnan cu ta hunga un rol ora cu ta baha nan den curanan di cas, unda cu no por yega facil. Awor aki ta spera cu a cuminsa cu e MB eynan, cu ta prohibi nan di bin cun’e, e ta bay mengua poco. Pero si ta keda alerta pa cualkier situacion cu a presenta, of cualkier otro maneranan cu nan por inventa pa trece toch pa por pak aan e situacion. Lo bay papia cu Officier van Justitie pa asina por yega na afspraaknan concreto.

Segun Croes, ta worde papia cu ta trata aki di un gasolin di bon calidad. Sinembargo Croes a splica cu lo bay papia riba esaki cu Officier, kico ta loke por haci cu e gasolin aki. Dado momento nan por basha awa den e gasolin tambe cu e por bay perhudica e hendenan na Aruba. Awor aki ta poco prematuro pa papia over di esey, pasobra mester papia prome cu Officier y tambe e otro personanan cu ta envolvi con ta bay caba cu esey.

E trafico riba hende cu ta riba wak, tambe tabata un preocupacion caminda cu hende ta baha of subi y bay. Dado momento no tabata riba e mesun liña na e mesun forma. Douane tin su tarea, polis tin su tarea, imigracion tin su tarea. Dado momento cada un tin un limite pa haci cierto cosnan.

Pa locual hendenan cu ta yega cu barkito, ta mas tanto un trabao di imigracion pa klaar in. Douane ta klaar in mercancia cu nan ta bin cun’e y e salimento y drentamento ta algo cu ta worde regla door di Astec awor aki, cu tin e security. E ta algo pa pak aan esey. Economische Zaken por cay aden, Salubridad publico por cay aden. Belasting Dienst un biaha mas por cay aden. Cada un cu nan tarea.

Esey ta algo cu conhuntamente nan mester pak aan, pa wak ken ta haci cua trabao y con por para esaki.

Contrabanda di Estado Falcon:

Dialuna ta habri waf pata pata di koper. Esey ta pone tambe cu na Aruba ta promove cierto cos cu no por sali, pero e ta yega na cierto companianan cu ta cumpra koper por ehempel.

Croes a splica cu pa loke ta trata koper cu ta bin di eynan of cualkier cos cu ta bin horta for di Venezuela, si no tin bista riba dje y una bes cu e yega Aruba, e haci su entrada legal, el a klaar in, el a haci su aangifte, el a paga su invoerrechten, Douane no tin problema di unda el a bin.

Ta solamente lo ta bon si tin un cooperacion entre Venezuela y Aruba y nan por pidi cierto ayudo, por haci algo. Den e caso aki, tin cu bisa cu ta duna informacio si. Kustwacht di Aruba tin comunicacion cu Venezuela y nan ta geef door si tur loke ta yega aki pa asina nan wak di unda e ta sali y con nan mes por pak aan esey.

Land van herkomst:

E hendenan aki no ta bisa di unda e koper ta bin. Loke nan ta bisa ta land van herkomst ta Venezuela y no ta mira mas leu cu esey. Kisas ta un problema cu tin, cu no tin’e den e legislacion, pero e ta algo cu una bes cu el a drenta, haci su inklaring, a paga su invoerrechten, pa Douane e ta legal na Aruba.

 

- Advertisement -

DUNA COMENTARIO

Please enter your comment!
Please enter your name here