Home Salud E por ta algo pasahero of sintoma di algo grave

E por ta algo pasahero of sintoma di algo grave

33
0
SHARE
- Advertisement -

Mester tuma dolor di cabes na serio:

ORANJESTAD (AAN) – Aruba, no obstante ta un pais chikito cu relativamente poco habitante, ta conoce manera den tur pais grandi, diferente situacion cu por ocasiona problemanan di salud, sea serio of no, cu hopi biaha ta cuminza manifesta cu dolor di cabes constante, y cada vez mas fuerte.

Algo riba locual sin duda mester pone atencion. Un di e problemanan cu nos tambe ta confronta ta situacionnan di stress pa motibonan hopi varia.

Y ta conoci cu stress ta e origen di hopi otro malesa mas serio.

Pa dos circunstancia reciente, cu a costa bida di dos persona (los di otro), a pone diferente persona yama na nos redaccion pa comenta cu nan tambe ta sufri di dolor di cabes frecuente, y tin biaha masha pisa, y cu ora nan bay docter di cas e no ta wordo tuma na serio, y e remedi cu nan ta haya (sin ningun test) ta e custumbra paracetamol.

Consultando cu e buki “Compendio di Medicina Interno” (CECIL), reconoci internacionalmente como un bon guia, tin diferente aspecto interesante di cual nos ta saca un resumen.

Dolor di cabes generalmente ta presenta manera un molester na cabes, cuero di cabes y cueyo.

E dolornan di cabes mas comun ta causa pa tension, migraine, sinusitis, of tension muscular den cueyo.

Griep ta ocasiona dolor di cabes leve mescos cu otro malesanan viral cu ta causa keintura leve.

Tin diferente ehercicio pa relax cu ta efectivo pero cu tin biaha e persona no ta tuma su tempo pa hacie, y logicamente tuma analgesico.

Dolor di cabes cu ta rekeri consulta medico:

Pero no mester lubida cu un dolor di cabes pisa tambe por ta causa pa un problema vascular y sangramento cerebral y mester ta atento debi cu dicho dolor por ta asocia na:

Un conexion abnormal entre e arteria y adernan den e cerebro, cu normalmente ta wordo forma prome cu e nacemento di e persona. E situacion aki ta conoci como “malformacio arteriovenoso” (MAV).

Ora e fluho di sanger den parti di e cerebro ta detene. Esaki ta conoci como “accidente cerebro-vascular”.

Ora e muraya di un ader sanguine ta kibra y ta sangra dentro di e cerebro, yama “Aneurism cerebral”.

Sangramento den e zona situa meymey di e cerebro y e tehido fini cu ta cubrie, conoci como “Subarachnoid hemorrhage”.

Docter di cas mester haci un chekeo mesora pa descarta otro malesanan manera: Presion arterial hopi halto; tumor cerebral; acumulacion di likido cu ta causa inflamacion cerebral (hydrocephalus); acumulacion di e presion cranial cu por parce un tumor, pero cu e no ta (seudo tumor cerebral); intoxicacion cu monoxido di carbono; infeccion cerebral of di e tehido cu ta rondona, manera un absceso cerebral; un arteria inflama cu ta iriga sanger den e zona di e cabes y nek (arthritis temporal).

Si un persona ta presenta sintomanan cu por sugeri algun di e problemanan menciona, mihor bay lihe na Eerste Hulp of yama 9-1-1 pa preveni un desenlace kizas drastico of fatal.

- Advertisement -

DUNA COMENTARIO

Please enter your comment!
Please enter your name here