Home Parlamento E reunion di Staten ta pa desvia atencion cu MEP, POR y...

E reunion di Staten ta pa desvia atencion cu MEP, POR y RED no por forma gobierno

45
0
SHARE
- Advertisement -

Segun Parlamentario Arthur Dowers:

ORANJESTAD (AAN) — Prome parlamentario cu a hiba palabra pa cuminza cu e reunion publico di Staten, Diaranzon mainta, ta mr. Arthur Dowers.

El a expresa cu, cu asombro el a tuma nota Diamars via media cu a informa prome cu nan a haya invitacion, cu un reunion a wordo pidi pa trata e asunto di sr. Paul Croes.

Di con e ta asombra ta den sentido cu el a lesa un articulo publica y tambe potret di Presidente di Staten, pero cu ora el a lese a dune impresion cu esaki a wordo publica pa e Lider di fraccion di MEP, unda cu e ta bisa cu eigenlijk e reunion aki no ta bay tocante Paul Croes y cu e Parlamento cu a sinta y cu aki rato ta bay sostene gobierno, ta bay haci cosnan diferente na e otro Parlamentonan cu tabata tin.

Dowers a subraya cu e ta hopi contento cu nan ta bay trece cambio, anto cu e ta spera cu den corto tempo un reunion ta wordo yama y e ta spera cu esaki ta keda e trend y nan por ta presente den Staten un par di hora despues cu nan yama reunion pa berdaderamente nan pidi gobierno pa duna cuenta.

Loke ta straño pe, segun Dowers, ta cu si nan yama un reunion unda cu nan no ta interesa di papia riba Paul Croes, y su segun partido MEP ta bisa “Paul Croes ta un persona simpatico” e ta mira si cu el a wordo lastra. “Mi ta puntra mi mes, si e no ta simpatico ta kico nan lo  a haci cune?” e parlamentario a expresa.

El a bisa cu loke mas ta strañe ta cu nan kier sa e status di Paul Croes y tambe el a tende cu nan a bisa cu status di gobierno ta demisionario y esey ta haci cu no por tin ningun otro persona cu su status no ta demisionario.

Dowers a comenta cu locual ta parce e, mas humoristico ta, cu Partido MEP den su afan pa lastra sr. Paul Croes como sifuera e prome persona cu den historia di Reino, a bira sospechoso y cu a wordo deteni.

Dowers a agrega cu un bon amigo y consehero di Partido MEP ta un persona cu tabata sospechoso, a wordo deteni, cera y condena. El a bay Corte di Apelacion, unda tambe a wordo condena y, aworaki, e ta wardando su caso di casacion. El a reitera cu pesey e ta haya hopi straño cu mester bin cu un afan asina wordo haci pa insulta e persona cu MEP ta considera simpatico, cu nan no kier a papia riba dje den e reunion. Pesey, fraccion di AVP lo sigui e reunion aki hopi di cerca, pa wak berdaderamente kico ta su importancia, segun sr. Dowers.

Dowers a subraya cu no por cambia nada di e realidad cu Ministerio Publico tin un investigacion andando, y tampoco por cambia e realidad di e status di ningun minister, na e momentonan aki, ni tampoco por cambia e status di ningun minister ni di esun cu ta sinta aki como Parlamentario alavez, pasobra partido MEP, POR y RED no por a logra forma e gobierno cu nan tin hopi pura pa forma, y tampoco por cambia cualkier cos cu a sosode den pasado. Segun Dowers e reunion aki ta solamente pa desvia atencion di e realidad cu nan ta bibando, den e formacion di e gobierno actual.

 

- Advertisement -

DUNA COMENTARIO

Please enter your comment!
Please enter your name here