Home Enseñanza E storia di Shamere McKenzie tocante traficacion di hende a haci impresion...

E storia di Shamere McKenzie tocante traficacion di hende a haci impresion riba e alumnonan di Colegio Arubano

23
0
SHARE
- Advertisement -

ORANJESTAD (AAN): Shamere McKenzie mes a pasa den e experencia aki na 2005: un homber carismatico a seducie pa bay baila den un club na NewYork. Di e manera aki e studiante di St. Johns University lo por a soluciona su problemanan financiero den corto tempo. El a kere e storianan di e homber, sinembargo el a cay den un fierno. E homber a oblig’e pa bay traha den prostitucion.

Un storia di bida real. Conmovedor y profundamente emocional. Y ainda e ta actual: na henter mundo, principalmente mucha muhenan ta cay den trampa di e promesanan falso, cu traficante di hende ta pone pa nan.

Y ta masha dificil pa scapa for di un trampa asina. E alumnonan di bovenbouw di Colegio Arubano tabata visibelmente conmovi pa e storia di Shamere McKenzie. E Jamaiquino, cu ta biba na Estados Unidos, a relata su storia durante un charla.

Con e, un pia un pia, a keda cautiva pa e galanteria di e homber, cu a primintie sero di oro. En realidad el a podera di dje completamente cu e proposito pa pone Shamere traha como prostituta p’e.

Regularmente Colegio Arubano ta organiza charla tocante temanan social pa su alumnonan. school ta haci esaki pa urgi e alumnonan pa hiba debate tocante probleman social. E charla tocante traficacion di hende a worde organiza cu cooperacion di Cuerpo Policial.

Riba e potret por mira Shamere McKenzie (robes) a presenta un storia impresionante durante un charla cu Colegio Aruban a organiza cu cooperacion di Cuerpo Policial.

- Advertisement -

DUNA COMENTARIO

Please enter your comment!
Please enter your name here