Home General Eltienne Yarzagaray ta lanza su cancion “Emanuel”

Eltienne Yarzagaray ta lanza su cancion “Emanuel”

87
0
SHARE
- Advertisement -

ORANJESTAD (AAN) — Cu hopi entusiasmo nos  hoben cantante y compositor, Eltienne Yarzagaray ta lansa su cancion mas nobo!

E titulo di su cancion ta ‘EMANUEL’. Pa basta tempo Eltienne Yarzagaray a bin ta cosechando varios exito cu su cancion ‘Bo ta Santo’. Ta tempo pa sigui cu su inspiracionnan nobo.

E tema nobo, Emanuel, ta un inspiracion cu nificacion profundo pa trece hende mas cerca di Dios. E cancion ‘Emanuel’ ta significa: Dios ta cu nos.

Eltienne a haya e inspiracion mientras e ta tocando su piano. E letranan di e cancion ta papia di un persona cu a scucha e bon noticia cu lo bay bin un salbador cu lo por sake di cualkier situacion cu e lo ta biba aden.

Tambe e cancion tin un significacion personal pa Eltienne. Eltienne su di tres nomber ta Emanuel. Su mama a dune e nomber ey den un momento hopi dificil di parto unda cu Eltienne y su mama a hera fayece. Eltienne su mama, den e momento dificil a bisa: ‘Señor si bo laga nos biba, lo mi duna mi yiu e nomber Emanuel’. Den e momento ey Dios tabata cu nos.

E meta di e cancion Emanuel ta pa trece speranza bek den e ser humano. Cu den e temporada aki nos por refleha riba e rason di Pasco. Cu Emanuel trece su luz den cada hogar.

Produccion

Eltienne Yarzagaray ta e compositor di e cancion‘Emanuel’. E cancion a wordo aregla pa Miguel Genser y wordo gemix y master pa Gilner Dirksen. E musiconan cu a forma parti di e proyecto aki: riba baho Diego Henriquez , riba cuarta Vivio Croes, vocalista Rachel Kraaijvanger y David Dubero. Demas instrumentonan door Miguel Genser. Eltienne kier a gradici su casa Solmaita Yarzagaray pa su amor y sosten na e proyecto aki.

- Advertisement -

DUNA COMENTARIO

Please enter your comment!
Please enter your name here