Esnan cu a vota a scoge pa un cambio

    292
    0
    SHARE
    - Advertisement -

    Gobernador Alfonso Boekhoudt:

    ORANJESTAD (AAN): Diabierna atardi ultimo, tabata tin e huramentacion di e Gabinete nobo, Gabinete Wever-Croes, despues cu nan a tuma nan retiro pa asina un constelacion nobo di parlamentario por a sinta y sigui cu e trabaonan den parlamento.

    E tabata un hecho historico pa varios motibo, segun cu Gobernador a bisa den su discurso. Un hecho ta cu ta pa prome biaha cu e huramentacion a tuma luga den un edificio historico, cual ta e Trouwraad di Censo.

    E otro hecho ta cu despues di 16 aña a huramenta un gobierno di coalicion y no uno di un solo partido y e ultimo ta, cu a huramenta e prome minister, cual pa prome biaha den historia di Aruba, ta un hende muhe.

    Fuera di esaki, Gobernador a menciona tres aspecto hopi importante cu e gobernacion nobo tin cu tene cuenta cune cualnan ta “oportunidadnan pa Aruba”, “cooperacion entre partnernan den Reino”, y por ultimo “un futuro stabil y sostenibel.”

    Cu e aspectonan aki, Gobernador a habri paso pa asina yama e gabinete nobo un bon bini.

     

    - Advertisement -

    DUNA COMENTARIO

    Please enter your comment!
    Please enter your name here