Home Hudicial Ex IT-Manager di Parlamento a gana su caso den corte

Ex IT-Manager di Parlamento a gana su caso den corte

84
0
SHARE
- Advertisement -

ORANJESTAD(AAN): Por a tuma nota di un sentencia den corte, caminda cu un empleado di Parlamento a worde kita for di trabao. El a busca su derecho y tin un decision di hues. Ta un caso cu a haya basta atencion tempo cu el a cuminsa.

Abogado David Kock a splica cu e caso aki tin algun aña ta bayendo, desde 2014.

Tabata un investigacion riba e ex griffier y IT manager di Parlamento. Tur dos a haya castigo disciplinario. E caso di griffier ainda ta andando. E ta na raad van beroep. Esun di IT manager a dura un tiki mas, pasobra el a bay despues di e griffier.

Un investigacion cu Parlamento a haci riba su manera di proceder, manera di traha, etc. Na 2014, a worde poni den un lachi un rato.

Den opinion di Kock, tabata busca un reemplaso pe, cual nan a haya casi un aña despues y na e momento nan a bin saca e investigacion ey y uz’e como motibo di retiro. Naturalmente esaki tabata inaceptabel pa e acusado. A cuminsa cu un caso na Corte di Prome Instancia y dialuna e veredicto a cay, caminda cu hues korten maten si cu e retiro cu nan a dun’e. Tin cu bisa cu e simpel manera di proceder pa hues tabata suficiente pa anula e retiro. Cu esey Kock kiermen cu djis e wardamento, haci investigacion, ward’e y sak’e ora ta manera oportuno y pa hues esey tabata inaceptabel, caminda cu hues no ta yega ni na e acusacionnan sin base cu nan tabata tin contra di e cabayero aki. E manera di proceder eynan, tabata suficiente pa corte.

Segun David Kock, nan no tey pa coach e otro partido. Pero en todo caso, si investiga algo y haya algo contra un empleado, e ora naturalmente bo no por bay keda warda pa uza esey como un as cu bo kier saca despues, pone riba mesa. Si bisa ken a faya, den opinion di hues, en todo cas, tabata e mesun Gobierno cu a tarda pa purba di tuma un accion contra un empleado publico. Esaki mester sosode di biaha, y no despues di un aña.

E puntonan di cuestion ta e diferente cosnan caminda cu ta lubida cu e meneer aki tabata un one man IT afdeling. E ta un persona cu mester a percura di asina hopi cos. Awendia parlamento ta online, tin su webpage, tin yen di cos cu e mester a regla. Si bo tareanan ta bira demasiado hopi y ora cu bo tin cu sirbi 21 parlamentario cu cada biaha cu nan biaha ta un mundo riba nan mes, cu nan exigencianan, no ta algo cu un persona casi por handle. El a haci gewoon weg su best den e tempo y posibilidadnan cu e tabata tin. Pa despues bin bisa cu cierto cosnan mester a bay tiki mas lihe of di un otro manera, ta facil pa busca un palo pa dal un cacho cun’e.

E principio den derecho di ambtenaar ta cu tanten bo ta bringando bo caso, no ta para e pago, pasobra e tin manera un schorsende werking. Den su caso no a purba di para su pago. Pero den e caso di griffier si a para su pago. Awor cu esaki tambe, e sa cu esey no ta bay pasa mas. Aunke cu Gobierno tin 30 dia pa apela. Tin cu bay warda prome pa wak si Gobierno ta apela, pero no tin nada di busca den apelacion.

Mientras tanto a pone otro persona na su posicion. Segun Kock, prome tin cu pasa riba e punto aki y awo lo tin cu warda si Gobierno lo apena, pasobra despues di 30 dia e decision ta bira definitivo. Despues lo bay pak aan e siguiente problema ey.

Lo bay delibera si e cliente kier bay traha back. Ya ta bayendo pa 3 aña caba cu e ta afo, haciendo esey un tiki mas dificil. E tin cu wak su posicion y efectua su derechonan cu e tin.

Pa loke ta e griffier, Kock a splica cu e caso ta diferente, den e sentido cu e ta na Raad van Beroep. E no ta na corte di prome instancia. Ta un tiki prematuro pa anticipa kico ta bay ta e consecuencia di cualkier veredicto. Awor aki, riba esey tin cu warda un rato prome cu duna un comentario.

 

- Advertisement -

DUNA COMENTARIO

Please enter your comment!
Please enter your name here