Home Cultura Experience San Nicolas su delaster edicion pa 2017 ta bay ta uno...

Experience San Nicolas su delaster edicion pa 2017 ta bay ta uno interesante

50
0
SHARE
- Advertisement -

ORANJESTAD (AAN):  Diasabra dia 2 di December un biaha mas lo organiza un evento anual: Experience San Nicolas, pero e biaha aki dedica na e luna festivo di December.

Experience San Nicolas ta wordo organiza pa Fundacion Museo Arubano y Fundacion C.R.A.F.T y cu sponsor di Aruba Tourism Authority, High Performance y FCCA, conhuntamente cu negoshinan na San Nicolas. Asina aki ta trece mas ambiente un biaha pa luna na San Nicolas. Pero pa e edición aki lo ta uno mas special dedica na e dianan festivo y lo wordo organisa diasabra 2 di december di 6 pm – 10 pm na e rotonde dilanti Nicolaas Store.

Ta bay tin diferente actividad manera “storytelling” di Pasco, cantantenan cu lo deleita canticanan di pasco, coronan, gaita, y hopi mas. Mas cu claro e artesanonan no por keda afo y lo tey presente pa asina bo por cumpra bo regalo di pasco traha na Aruba. Tambe ta bay tin diferente workshop duna dor artistanan local manera Natalia Koolman, KALA, Coloring Laura, Erika Moran y Luna Faustta cu lo tuma lugar e anochi ey pa asina abo por regala bo ser keri un regalo cu abo mes a traha.

E anochi aki lo ta bay ta uno inolvidabel na unda e bar y cushina lo ta bon surti y trein Thomas tambe lo tey pa asina hibabo Museum of Industry, Community Museum como tambe Cosecha pa un tour.  Un anochi cu sigur lo bay tin un ambiente festivo y cu un sabor cultural pa pasa den seno familiar. No perde e anochi aki y bishita San Nicolas dia 2 di december cuminsando pa 6 pm di atardi.

Banda di e evento aki lo bay tin tambe un proyecto di dorna kerstboom special pa e muchanan di kleuter y eerste klasnan di scol básico. Mas información di esaki lo wordo anuncia den trancurso di simannan nos dilanti.

Pa mas informacion por tuma contact cu Cosecha San Nicolas na telefoon 5878708 of Museum of Industry na 5847090 of tambe por email na experiencesn@gmail.com y sigui e facebook page di Experience San Nicolas. Pa inscripcion di e workshopnan por ricibi mas información riba e facebook page di Cosecha.

- Advertisement -

DUNA COMENTARIO

Please enter your comment!
Please enter your name here