Home Economia Experto di Hulanda investigando e sistema na Aruba di benta sushi afo

Experto di Hulanda investigando e sistema na Aruba di benta sushi afo

162
0
SHARE
- Advertisement -

ORANJESTAD(AAN): Henter e seminario di Universidad di Aruba “De zaak is rond” a worde haci den colaboracion cu Universidadnan di Hulanda y cu colaboracion di e investigado Eric Roetman, di Zwolle (Hulanda).

E reunion na e instituto educativo ta relaciona cu un investigacion cu nan ta haciendo hunto cu Universidad di Aruba riba e tema di economia circular, esta con empresanan denter di e economia circular y e retonan financiero cu nan ta confronta cune. A elabora riba ideanan manera con empresanan por traha hunto, cu cliente y institutonan financiero pa logra e meta final di un economia sostenibel.

Durante su estadia na Aruba, el a bishita dump pa analisa cua ta e problemanan, a bishita algun empresa con nan por worde yuda, pero tambe a bishita Ecotech y a mira con nan ta organiza henter e proceso pa funciona mas eficientemente posibel. E compania aki ta evalua con nan por uza materialnan miho posibel y “nan a dal un bunita paso den direccion di reciclahe y nan ta traha den un forma mas eficiente demostrando cu por haci e desperdicio den un forma mas compacto”.

Hecho ta cu Eric Roetman a mira un bunita ehempel di reciclahe, manera esun di gas y energia for di desperdicio. Pero den e discusionnan cu tabatin na e evento, por a sinti cu tin hopi cos cu por worde haci principalmente si empresanan uni den e intentonan.

E siguiente paso, el a bisa, no ta pa traha rapportnan diki pero con pa haci investigacion cu empresanan, intercambiando informacion riba con pa traha den un forma mas eficiente pa yega na e meta poni y despues sigui plama e experiencia acumula. Tin algun bunita ehempel local manera Tele Energy, Ecogas y Ecotech cual ta empresanan cu realmente ta trata di cambia e situacion local por medio di reciclahe, unda cu henter e sistema ta miho organiza. Na Ecotech por ehempel no ta mira e huma preto mahos den aire. No ta mira resto di sushi cu ta dwaal, no ti nada cu ta cay den lama.

E seminario tabata e inicio di e proyecto di investigacion pa yega na un economia circular. Mientras cu na Hulanda lo cuminsa haci investigacion bou di algun empresa, studiantenan di UA na Aruba lo cuminsa haci investigacion localmente . Durante e proximo 2 añanan lo bay ta compartiendo e informacionnan acumula. Pero tin mas evento lo bay ta tumando luga durante e dos añanan aki.

Pa finalisa nan ta envolvi cu 9 empresa y na Aruba a cuminsa cu dos empresa y ta desea di haya mas compania cu lo por duna bon ehempel pa otronan den comercio. Si tin empresa interesa, por tuma contacto cu Universidad di Aruba.

 

- Advertisement -

DUNA COMENTARIO

Please enter your comment!
Please enter your name here