Home Cultura Exposicion Mare Nostrum, Venezuela, Hulanda y Aruba uni pa Caribe”

Exposicion Mare Nostrum, Venezuela, Hulanda y Aruba uni pa Caribe”

15
0
SHARE
- Advertisement -

ORANJESTAD  (AAN) — E exposicion Mare Nostrum a tuma 10 luna pa organisa. Mi persona, Osaira Muyale na Aruba, na Venezuela e curador independiente di arte y maestro na Universidad di Zulia Jimmy Yanez y directora di Maczul Lourdes Penjaranda.

E interes di e proyecto aki a cuminsa durante un research na biblioteca national di Coro buscando informacion riba identidad espacio y memoria, unda mi antepasadonan mediteraneo a imigra desde Lebanon pa Coro despues pa Corsou y Aruba desde 1898.

Ma topa cu hopi informacion y tambe pa sorpresa hopi informacion riba e relacion entre Hulanda, Venezuela y Caribe desde siglo 16 y 17.E grupo di artista cu a wordo invita, ta esnan cu a biaha hunto den varios ocasion pa trabao representando exposicionnan internacional.

Artistanan visual Osaira Muyale, Elvis Lopez, Glenda Heyliger y Ryan Oduber.

E meta principal tabata y ta pa por a logra un lenguahe visual interesante mirando e storianan di relation estrecho cu tin entre paisnan aki, Hulanda, Venezuela, Aruba y Antillas.

Tambe pa trece e storianan aki den e forma visual, cu un otro angulo y perspectiva. Como artista visual nos ta constantemente construyendo colectivamente un porta pa unda e bishitante por explora, nos ta constantemente construyendo portanan entre capanan di realidad, creando espacio pa soñonan y experencianan cu no tin plataforma normalmente.

Cada gesto creativo ta expande e pakico ta y e portanan aki por converti nan mes den un imagen di posibilidadnan. Nos ta traha hunto pa por comprende e esfuersonan humano, e forsanan di violencia, di politica, cu ta afecta cada cas y cada mente riba mundo. Con nos ta transforma nos traumanan y use pa pensa y sobribibi un sistema disfuncional cu mundo ta biba aden.

E artistanan nan trabao den e ta pa responde e preguntanan aki den un bista amplio y den un manera cu afecto, positivo y uni, convirtiendo e espacio den un conversacion di lenguahenan entre nos curpanan. E trabaonan colectivo ta presente den e Museo Maczul desde 28 October 2017 te cu 28 February 2018.

Tur hende por bay libremente. Nos ta bisa un danki grandi na Ray-Ann Hernandez directora di Unoca cu a atende nos cariñosamente cu e proyecto aki. Un danki grandi tambe na Mondriaan Fonds di Hulanda y Museo Maczul na Venezuela. Pronto lo tin un lectura riba e exposicion aki na Unoca.

- Advertisement -

DUNA COMENTARIO

Please enter your comment!
Please enter your name here