Home General Festival di “Derecho di Mucha” na Playa Pabao dialuna awor

Festival di “Derecho di Mucha” na Playa Pabao dialuna awor

36
0
SHARE
- Advertisement -

ORANJESTAD (AAN) — Dialuna, dia 20 di november, ta celebra “Dia di Mucha” na Aruba.

Riba e dia aki tambe ta celebra “Dia Internacional di Derecho di Mucha”.

Pa e motibo aki directiva di Centro di Bario Playa Pabao ta duna reconocimento na nos muchanan den un solo actividad na Playa Pabao.

E actividad aki ta tuma lugar dialuna dia 20 di november y ta cuminsa pa 3’or di atardi y lo termina pa 8’or di anochi.

Nos muchanan tin oportunidad pa hunga den “waterslide”, bula riba trampolin y den dino jump, hunga den luchtkasteel, monster truck, pinta cara y participa na diferente wega.

Muchanan ta wordo invita pa bin cu nan trahe di baño pasobra ta bay tin un “waterslide”.

Pa 6’or lo cuminsa un ora di locura sigui pa un show “Di Mucha pa Mucha” cu presentacion di gruponan hubenil di baile manera Grupo di Baile Hubenil di Centro di Bario Playa Pabao, Kids 2 Kids, Chaz Dancers, y Pierewietje y Flash.

Y tambe lo tin presentacion di diferente solista hubenil.

E promer 400 mucha lo ricibi un recuerdo di e dia aki.

Tambe ta bay tin un exposicion dor di muchanan di Anglo Kleuterschool cu tin e tema di “Dia Internacional di Derecho di Mucha”.

Pues dialuna dia 20 di november ta celebra Dia di Mucha y ban dun nos muchanan reconocimento riba e dia importante aki y laga nos manera un famia grandi asisti na e actividad aki cu nos muchanan na Centro di Bario Playa Pabao.

Pues mayornan bin compaña bo yiu(nan) na e actividad aki.

Lo tin un bar (sin bebida alcoholico) y un cushina cu prijsnan di dia di mucha. Un danki di curazon na Vertegenwoordiging  Nederland na Aruba, CEDE-Aruba y Asociacion pa Trabao Hubenil Arubano pa nan contribucion na e actividad aki.

- Advertisement -

DUNA COMENTARIO

Please enter your comment!
Please enter your name here