Home Policial Futbolistanan deteni pa abusa mucha muher di 13 aña sexualmente

Futbolistanan deteni pa abusa mucha muher di 13 aña sexualmente

1503
1
SHARE
- Advertisement -

Dos a nenga y un a admiti:

ORANJESTAD  (AAN):  Jeugd en Zeden Politie tin tres di cuater homber sospechoso deteni. E tresnan deteni ta R. Malmberg, I. Jansen y C. Geerman.   Tur ta hombernan adulto caba ta wordo sospecha di a abusa di un mucha muher di apenas 13 aña e tempo ey.

Tur cuater a keda deteni pero mientrastanto uno a wordo laga den libertad pendiente investigacion. E grupo aki ta conoci den e mundo di Futbol hungando pa teamnan di futbol veterano Estrella na Aruba.

Dos di esnan deteni ta nenga pero un di e tresnan a admiti su culpabilidad di a abusa e menor di 13 aña.  E caso no ta data di awor aki pero ta un caso cu a tuma lugar ya caba como dos aña pasa.

Mirando cu Jeugd en Zeden Politie tin man yen cu basta caso, a dicidi di atende cu e caso  awor. Casonan cu yega na Jeugd en Zeden Politie no ta bay den doofpot. Ta segun caba cu un caso ta sigui pa e otro. Tin hopi otro caso cu ta haya prioridad.

Un caso cu caba di sosode y yamada drenta ta dune atencion mesora pa asina no perde evidencia. Un caso cu a sosode y despues di algun dia of siman ta entrega keho, dimes e caso aki ta haya su atencion pero otronan cu ta mas peligroso ta bay prome.

Ora cu ta papia di casonan peligroso, por ehempel casonan caminda e victima ta den cercania di e malhechor. Cercania sea den mesun cas of cercania caminda ainda e mucha por yega den e area caminda e malhechor of abusador sexual ta. Autoridad ta actua mesora pa e casonan aki y asina protehe e victima menor di edad.

Awendia e mucha muher tin 15 aña caba. Tempo cu el a wordo abusa di e hombernan aki e tabata mas jong.  Pero awor na 2017, keto bay e ta menor di edad. E futbolistanan a probecha di e chens y asina tabata topa cu e hoben y a abusa di dje. E caso mes no tin nada di haber cu encuentro durante wega di futbol.

Mas cu dos siman caba e tres futbolistanan ta deteni.  E mayornan di e menor a entrega keho pa loke a sosode cu nan yiu.

Aunke ta mayornan mes a entrega keho, mester remarca cu awendia no mester warda un mayor dal un stap asina. Un conocir of un bisiña etc cu constata cu tin un abuso sexual di menor ta tuma lugar, por entrega un keho y lo wordo atendi. Den pasado e mayor ta esun cu mester entrega un keho pa abuso cometi contra su yiu menor.  Cos a cambia awendia cu e leynan. Hopi caso di abuso di menos ta sosode na Aruba.

Ademas huez ta baha pisa y Ministerio Publico tambe riba sospechosonan mayor di edad cu ta presta nan mes pa drumi cu menor. Hopi caso similar tin na Aruba y te awe ainda tin hende sera den KIA pa mesun acto asina. No ta pasobra e menor di 13 aña laga bo, abo cu mas di 30 aña den e caso specifico aki of cualkier mayor di edad mester hacie. Bo mester respeta y asina compronde cu ta contra ley pa drumi cu menor.

Awor e trio futbolista ta sera. Door cu semper nan ta cana hunto, a detene tur tres di cual uno a admiti caba di a comete e abuso.

 

 

- Advertisement -

1 COMMENT

  1. Mi tin un pregunta na Famia Planea: ora nan ta duna les na muchanan di 11 anja den 5de klas onderbouw, nan ta pensa riba e consecuencianan di nan lesnan? Cu kende e muchanan aki di 5de klas ta suppose di tene relashon sexual, lesnan cu Famia Planea ta IMPONE como educashon? Y otro pregunta: kiko ta opinion di Famia Planea den e caso aki?

DUNA COMENTARIO

Please enter your comment!
Please enter your name here