Home Politica Gobierno tin obligacion di ofrece nos muchanan scolnan placentero y agradable

Gobierno tin obligacion di ofrece nos muchanan scolnan placentero y agradable

25
0
SHARE
- Advertisement -

Parlamentario Shailiny Tromp-Lee:

ORANJESTAD (AAN) – Parlamentario sra. Shailiny Tromp-Lee, durante e conferencia di prensa di fraccion di MEP, a toca e tema di enseñanza y den e caso aki specificamente e infrastructura di scolnan, cu den varios caso e ta deplorable.

Pa elabora riba e tema el a referi na un entrevista cu el a lesa den prensa cu Minister di Enseñanza sr. Rudy Lampe, cu a pone sinti hopi contento.

Esaki en conexion cu un bishita cu e dignatario a haci na St. Aloycius na Noord. E parlamentario a menciona cu e nomber di e scol aki tabata hopi den su boca durante e campaña politico, pa motibo cu e scol aki tabata tine hopi preocupa.

E minister nobo a bay bishita e scol aki y a tuma  nota di e situacion cu e scol ta aden. Un punto crucial cu e mandatario a atende y cu ta di elogia, ta cu el a bisa cu e coalicion actual tin un programa di gobernacion cu metanan hopi grandi, pa loke ta concerni enseñanza, pero cu no mester perde e realidad for di bista, cual ta e punto cu e parlamentario mes a trece dilanti un rato prome.

El a comenta cu e minister a señala cu gobierno por tin deseonan pero si e infrastructura no ta na su lugar y no ta cumpli cu e rekisitonan necesario pa hiba e maneho posible, mester dal dos stap patras.

“Mi ta kere cu mester cuminza na e fase di inventarizacion cu ta algo cu el a menciona cu su coleganan cu ta den enseñanza y cu ta bise cu no solamente St. Alysius ta den e situacion aki, pero tin mas scol mescos”, e Parlamentario a subraya.

E ta kere cu mester cuminza enberdad na inventariza e situacion di cada scol, percura pa infrastructura basico ta na su lugar, pa enberdad bay traha na haci posible e vision bunita cu gobierno tin, pa loke ta trata enseñanza y yuda nos muchanan pa nan por desaroya nan mes compitiendo pa loke tin eyfo.

“Mi ta kere esaki ta un obligacion cu nos tin na Aruba y nos como Parlamento sigur lo sigui cada biaha concentra y enfatiza riba esaki den direccion di gobierno. Mi ta kere cu nos muchanan merece bay na scolnan cu ta adecua”.

E parlamentario a referi por ehemplo na e bañonan cu ta den mal condicion y e alumnonan no kier ni bay baño. “Mi ta kere cu nos tin e deber di por ofrece nos mucha, nos hobennan un caminda unda nan ta bay studia, cu ta placentero y cu no ta pone limitacion algun na nan desaroyo diario”, e dama a subraya.

- Advertisement -

DUNA COMENTARIO

Please enter your comment!
Please enter your name here