Home Actividad Especial Green Aruba Conference ta organiza tayer gratis titula “Knowledge in Motion”

Green Aruba Conference ta organiza tayer gratis titula “Knowledge in Motion”

74
0
SHARE
- Advertisement -

ORANEJSTAD (AAN): Prome cu e dos dianan di e ‘Green Aruba Conference’ tambe lo tin un dia yena di actividad y tayer pa tur esunnan interesa. Un di e actividadnan aki ta e tayer di “Knowledge in Motion” cu ta atractivo specialmente pa tur e profesionalnan cu ta labora den e sector di energia. E tayer aki lo tuma luga dia 15 di November proximo na Hilton Aruba Caribbean Resort y e ta completamente gratis.

No tin duda cu conocemento riba un materia manera energia y sostenibilidad ta fundamental, pero mas importante ainda ta e intercambio y habilidad pa comparti e conocemento aki cu demas profesional riba tereno di energia, esey ta un di e metanan principal di e tayer di “Knowledge in Motion”.

Segun e organizadonan di e conferencia a splica DIARIO, ta precisamente pa medio di e intercambio di conocemento y experticio aki nos tur por sigui traha na un forma mas eficiente, productivo y exitoso pa loke ta trata sostenibilidad.

Durante e tayer lo uza hermentnan interactivo pa conscientisa tur participante riba e gran variedad di fuentenan di conocemento den e sector di energia sostenibel. Di e forma aki, henter e sala di participante lo por identifica oportunidadnan pa colaboracion, mehoracion y creaccion di un plan di accion efectivo pa realisa e metanan colectivo riba sostenibilidad.

E tayer aki ta organiza conhuntamente cu tres institucion dedica na fomenta conocemento, esta, “The Center of Excellence (COE) for Sustainable Development of SIDS”, CARILEC y “ Rocky Mountain Institute-Carbon War Room (RMI-CWR)”. Tur tres organizacion ta comparti e obhetivo di conecta tur profesional den sector di energia cu solucionnan sostenibel practico, pues tur profesional di e sector aki ta keda cordialmente invita pa participa.

E di ocho edicion di e conferencia di Green Aruba, “Sustainability In Motion”, ta tuma luga dia 16 y 17 di November proximo y ta worde organiza den colaboracion di Utilities Aruba N.V. conhuntamente cu CARILEC como tambe e partnernan fundado di e evento aki manera Gobierno di Aruba, WEB Aruba N.V. y N.V. Elmar. Pa registra pa e tayer di “Knowledge in Motion” dia 15 di November proximo, manda un e-mail na administration@greenaruba.org

- Advertisement -

DUNA COMENTARIO

Please enter your comment!
Please enter your name here