Green Aruba, NASA y Dr. Edward Cheung ta presenta “Science On a Sphere”

    108
    0
    SHARE
    - Advertisement -

    ORANJESTAD  (AAN):  Un otro actividad innovativo cu ta forma parti di e programa di ‘Green Aruba’ e aña aki, ta e presentacion di “Science On a Sphere” (SOS) cu lo tuma luga dia 15 di November proximo den e grand ballroom di Hilton Aruba Caribbean Resort & Casino.

    Entre 2’or pa 4’or di atardi e participantenan lo por aprecia e exhibicion aki di “Science On a Sphere” (SOS), cu ta un creacion di e investigadonan di ‘National Oceanic and Atmospheric Administration’ (NOAA) y ta conta cu e apoyo di e ‘Goddard Space Flight Center’ di NASA como tambe e oficina di ‘Space Communications and Navigation’.

    E exhibicion aki por wordo considera como un herment educativo cu ta mustra y comparti datonan global. E participantenan lo experiencia un sistema di pantaya cu ta uza computer y otro projectornan di video pa ilustra datonan planetario den un esfera di aproximadamente 152 cm di diameter.

    E sistema aki di “Science On a Sphere” (SOS) ta yuda ilustra y yuda participantenan di tur edad compronde e ciencia planetario como tambe e ciencia tras di e sistema di nos mama tera mas miho.

    Pa mas informacion di e tayernan of pa registracion bishita www.greenaruba.org of por tuma contacto via [email protected]

     

    - Advertisement -

    DUNA COMENTARIO

    Please enter your comment!
    Please enter your name here