Home General Habitantenan di Marawiel y vecindario ta pidiendo auxilio

Habitantenan di Marawiel y vecindario ta pidiendo auxilio

408
0
SHARE
- Advertisement -

ORANJESTAD(AAN): Varios bario aki na Aruba ta pasando den hopi dificultad, mirando e cantidad di awa cu a bay riba nos isla. Pa ta remarcabel, Diadomingo, tabata casi un aña cu e awasero feroz a asota Aruba (20 di November 2016), caminda cu barionan completo tabata inunda. Un di e barionan aki ta Paradera, pa ta exacto Marawiel, cu ta keda pareu cu Sero Cristal.

Esnan cu ta biba na pia di e sero ta haya problema cu e cantidad di lodo y piedra cu ta bin abao, pero esnan cu ta biba un tiki mas abao, banda pazuid di caminda, ta hay’e mas dificil ainda, pasobra tur rooi ta bin den un solo punto, esta nan ta concentra un solo caminda. Manera por mira riba e potetnan , habitantenan di un cas en particular, no por ni drenta, corda sali y e tin un solo entrada y salida.

Ya den pasado caba DOW a raspa e caminda, pa asina por tin un pasada facil pa e cas, pero, semper durante awasero, e caminda ta coba asina feroz, cu ni un ATV, corda un truck por pasa bay pa e cas. Piedranan ta los y ta sali completamente for di e suela, y hasta por mira cu un palo di luz cu ta keda na canto di caminda, casi su parti abao ta sali.

E situacion ta basta serio pa e habitantenan di e cas na Marawiel, cu a pidi auxilio na DOW pa asina mas pronto posibel bin remedia e situacion akinan. Esaki ta conta pa e otro casnan tambe cu tin den e vecindario, principalmente den e parti di Kuriburi y casi yega Matadera, caminda tin varios cas cu ta biba riba un nivel mas abao.

DOW auxilio. Esaki sigur lo ta un reto pa boso. Habitantenan den e vecindario ta pidiendo yudansa, pa asina nan por sali for di e situacion cu nan ta aden actualmente.

 

 

- Advertisement -

DUNA COMENTARIO

Please enter your comment!
Please enter your name here