Home Turismo Hilton Aruba Caribbean Resort & Casino a ricibi un Grupo VIP di...

Hilton Aruba Caribbean Resort & Casino a ricibi un Grupo VIP di organisador di fiesta di bruid y agente di viahe

9
0
SHARE
- Advertisement -

ORANJESTAD(AAN)— Hilton Aruba Caribbean Resort & Casino recientemente a ricibi un grupo VIP di mas di 25 organisador di fiesta di bruid y agente di viahe for di Merca y Canada, organisando pa nan un anochi inolvidable cu a demostra e resort como e luga perfecto pa tene un bruid di destinacion.

Hilton su propio expertonan di bruid Lisa Dammerman y Raynold Semeleer a ricibi nan invitadonan den e lobby cu un Aqua Aloe bebida di bon bini, sigui pa un inspeccion di sitio breve di e cambernan y suitenan na e propiedad completamente renoba y refresca.

Despues, e grupo a bishita e area di piscina, cual a wordo prepara den varios estilo di celebracion pa demostra e propiedad su versatilidad pa recepcionnan di bruid. E anochi a termina na Eforea beach cu un recepcion.

Organisando un fiesta di bruid hopi biaha ta envolve un sin fin di detaye, deadline, asunto y consideracionnan familiar, ademas di un tiki stress, cual ta di compronde, pero tur esaki simplemente ta wordo elimina ora cu e ekipo di specialista profesional di bruid y evento na Hilton Aruba Caribbean Resort & Casino ta tuma mando di e organisacion.

Cu multiple sitio cu ta capas di ta anfitrion di ceremonia di tur tamaño, Hilton Aruba Caribbean Resort & Casino ta un lider riba nos isla den e mercado di bruid di destinacion, haciendo soñonan un realidad cu e ayudo di partnernan local dedica.

Nos portretnan ta mustra algun di e momentonan inolvidable di e fiesta, den un ambiente diseña pa Letz Aruba, cu iluminacion disenja pa Elite Productions, y musica en bibo cortesia di Bambu. E anochi tabata co-presenta pa e Aruba Tourism Authority y e Convention Bureau.

 

- Advertisement -

DUNA COMENTARIO

Please enter your comment!
Please enter your name here