Homber a maltrata muher na Ponton

ORANJESTAD  (AAN): Un ciudadano a raporta na Polis diadomingo marduga con e ta mirando un homber ta batiendo un hende muher formalmente pafo di un cas na Ponton.

E victima tabata grita di e golpinan cu e tabata haya y hasta e homber a manda e dama vloer y maltrate. Polisnan a yega basta lihe na e sitio y asina pone man riba e homber abusado aki.