Home Hudicial Homber sospecha di a viola mucha muher di 12 aña declara liber

Homber sospecha di a viola mucha muher di 12 aña declara liber

482
1
SHARE
- Advertisement -

Hues ta haya cu no tin suficiente prueba

ORANJESTAD  (AAN) – Manera DIARIO a publica, ayera mainta Corte den Promer Instancia a dicta sentencia den e caso penal cu Ministerio Publico a cuminsa contra e homber O.

SOSPECHOSO DECLARA LIBER

Hues a bisa cu algun siman pasa a trata e caso penal contra e homber O., caminda Fiscal ta acusa O. cu entre 5 September 2017 y 21 September 2017 a viola un mucha muher di 12 aña.

Hues a bisa cu despues di a studia e caso, e no ta haya legalmente proba cu O. a haci e delito. Hues ta haya cu no tin suficiente prueba. Na opinion di Hues, e declaracion di e victima no ta duna suficiente prueba convincente.

Hues a declara e homber O. liber y a duna orden pa pone di inmediato den libertad. Den sala di Corte tabata presente mama di e sospechoso, kende a cuminsa yora di alegria y a lanta su mannan den halto y mira den halto pa gradici Dios.

Den e caso aki, algun siman pasa Fiscal a exigi 28 luna di prison di cual 9 luna ta condicional cu un tempo di prueba di 3 aña.

E sentencia aki lo a cay manera un baño di awa frieu pa Ministerio Publico y tempo lo mustra si otro aña Corte Superior lo trata e caso aki den apelacion.

Ta asina cu Fiscal tin dos siman di tempo pa apela e sentencia si e no ta di acuerdo cu e decision di Hues.

 

- Advertisement -

1 COMMENT

  1. Hopi bon Juez pabien, ora nan cuminsa rape boso jiu, muhe, ruman muhe abuela tanta sobrina y bo mes, otro gay lo canta, comentario di un victima

DUNA COMENTARIO

Please enter your comment!
Please enter your name here