Home General Honduras a cuminza exigi visa di Venezolanonan

Honduras a cuminza exigi visa di Venezolanonan

74
0
SHARE
- Advertisement -

ORANJESTAD (AAN); Gobierno di Honduras a informa via di un boletin, cu entrante Diadomingo 19 di November, e pais lo exigi un “Visa di Consul” di e Venezolanonan cu a dicidi na bishita nan pais.

E medida a bin debi na e principio di reciprocidad, debi cu Gobierno di Caracas tambe ta exigi pa esnan di Honduras busca un permiso prome cu nan drenta Venezuela.

E boletin ta duna e 10 rekesitonan pa bo haya un visa.  E medida ta pa  tur Venezolano y a bay na vigor mesora.  Un notificacion a bay pa Gobierno di Nicolas Maduro tambe.

E visa tin di wordo pidi na Secretaria General del Instituto Nacional de Migracion di Honduras.  Bo mester presenta cu un papel di bon conducta, un fotocopia autentica di bo ID of un carnet di residencia na Honduras, y apostillo di paspoort di e persona cu ta busca e visa.  Tambe mester di un rapport di docter, y tambe informe di antecedente policial y penal.

E tension entre Venezuela y Honduras a escala, desde cu e pais Centro Americano a denuncia e crisis Venezolano dilanti e Organizacion di Estadonan Americano (OEA).

- Advertisement -

DUNA COMENTARIO

Please enter your comment!
Please enter your name here