Awor cu ta bay elimina checks…
ORANJESTAD (AAN): Aki seis luna, ya bo no por paga ni cobra cu checks mas na Aruba. Tur banco na Aruba a tuma e decision ey, pues companianan tin di cuminza busca forma alternativo pa haci pago.
Banconan a mustra cu checks ta un forma hopi anticua pa haci pago cune.
Pero loke nan no ta bisa, cu e mihor sistema di pago riba e planeta aki, esta PayPal ainda no ta wordo usa na Aruba.
Hopi pais den region, y hasta Hulanda ta aproba pa uso di PayPal. Pero lamentablemente Aruba no ta den e sistema ey.
Ohala cu Gobierno nobo cu sinta, lo check con pa por atrae e sistema di PayPal pa asina pagonan online bay mucho mihor. Y no bin cu e excusa cu bo no por controla “labamento di placa cune”. Siendo cu Hulanda mes ta usando PayPal caba sin problema.
Pa Aruba? Banconan ta recomenda pa pueblo haci uso di nan Debitcard como forma di pago, haci uso di un credit card como forma di pago, haci uzo di bo online banking, mobile y tambe haci uso di e ATM pa bo lanta placa of haci transferencianan na cierto companianan.
Tin cierto banconan cu ta duna e oportunidad na companianan di utilidad y tambe por usa ATM pa deposita placa tambe.
Ohala cu pronto PayPal tambe ta den e sistema ey.
