Home Hudicial Hopi documento a wordo wanta atras durante beperking

Hopi documento a wordo wanta atras durante beperking

125
0
SHARE
- Advertisement -

Segun mr. Demis Illis abogado di Minister Paul Croes

ORANJESTAD (AAN): Mr. Demis Illis, kende ta abogado hunto cu mr. Vaders, cu ta atiendo e caso di minister Paul Croes. A haya e informacion cu e beperking a wordo kita for di e minister, despues di varios luna cu e ta cera. E no tabata tin contacto ni cu su yiunan, ni cu su casa, ningun famia, ya pa tres luna caba. A combersa cu abogado Illis y el a conta un tiki di e proceos cu a cana pa asina awe tardi laat, pasa di 5’or, despues di 3 luna, Minister Paul Croes, por tabata tin contacto bek cu su famia.

Mr. Illis a splica cu a haya confirmacion di parti di Ministerio Publico, cu e restriccionnan a wordo kita completamente, den tur sentido. Desde awo sr. Croes por haya bishita. E ta bek den contacto cu su famia, pero tambe ta supone cu awor aki defensa lo bay haya mas di e documentonan pa por sa mas tambe ta kico tin, pasobra un di e cosnan cu a bin ta perhudicando defensa desde cuminsamento ta, ta e beperkingnan. A base di esaki hopi documento tabata wordo wanta atras pa cual motibo hopi cos no sa ainda. Pesey ta tende tiki tambe di parti di defensa.

Entre otro parti di e beperking no tabata djis contacto cu e famia so, contacto cu diferente otro hende. Eigenlijk tur hende, cu excepcion di miembronan di defensa, abogadonan. Pero e beperking tabata encera hopi otro cos mas. Por ehempel no tabata tin mag di lesa corant, no tabata tin mag di wak television. Tur eseynan a caba desde awe.

Illis a wordo confirma cu mesun atardi caba el a tene contacto cu su famianan.

Tur cos ta depende kico tur lo bay haya sa awor aki. Ta mucho prematuro pa na e momento aki bisa caba kico lo ta sigui. Loke si sa ta cu mientras tanto ministerio publico mes a anuncia tambe cu e lo pidi prolongacion y defensa lo bay den preparacion pa esey, cual ta dia 14 di November.

Segun Illis, den su carera ta prome biaha cu e ta maak mee cu un hende ta haya un beperking asina duro, asina restringi den tur cos y pa un periodo asina largo. Defensa ta convenci cu a pasa e limite di loke ta por considera toelaatbaar.

Net ta yegando na e punto pa bay tuma un paso mas halto, OM a sinti e presion ta yegando di parti di defensa, nan a dicidi di termina cu e beperking. Illis a sigui splica cu por ta OM lo a sinti cu nan ta yegando nan afrondingsfase, pero e no sa esey, pero por ta tambe ta un consideracion di nan parti.

Defensa mes a haci su esfuerso pa tuma contacto cu OM desde basta tempo caba directamente pa yega na un solucion pa e beperkingnan. Ya den voorfase a wordo indica cu lo a haci’e, pero despues hasta bin un tempo, un escusa cu ta pasobra horcan Irma a dal, diferente miembro di polis mester a bay yuda, cu tur esey nan a pone cu e cos a keda wordo alarga. Defensa ta pensa cu absolutamente esey no ta e caso. Ta lag’e pa pasado. Si tabata den contacto directo cu OM.

Den KIA e tabata haya menos ora di luch, cera tambe riba un parti di KIA cu no ta ni asigna pa tin hende. E parti aki tabata wordo considera pa tin hende cu tin problemanan mental, cera den e parti ey. Bo por imagina con duro sr. Croes lo mester a pasa den e ultimo 80 dianan cu a bin ta transcuri te cu awo.

Ministerio Publico ta responsabel awor aki pa e detencion preventivo. Defensa no por bisa si el a wordo cambia di cel of no.

Tabata tin algun biaha cu mester a wordo interoga na Landserecherche. Nan a sa di transporte tambe, segun mr. Demis Illis,  kende ta partner cu otro abogadonan di Corsou y Aruba, pa asina defende den e caso aki minister Paul Croes, den e sospecho cu tin contra di dje y cu a tene pa 80 dia sin cu e tabata tin contacto ni cu su yiunan, ni cu su famia, cu ningun hende. Solamente abogadonan tabata por a tin contacto cun’e den prizon.

 

 

- Advertisement -

DUNA COMENTARIO

Please enter your comment!
Please enter your name here