Home Gobierno Huramentacion di ministernan dilanti di Gobernador Sr. Alfonso Boekhoudt

Huramentacion di ministernan dilanti di Gobernador Sr. Alfonso Boekhoudt

277
0
SHARE
- Advertisement -

ORANJESTAD (AAN)—Diabierna atardi, aunke e tempo tabata poco scur cu gana di dal un awacero, toch  loke tabata tin riba e programa, encuanto e huramentacion di e Ministernan nobo di Aruba, pa gobernacion di 2017- 2021, a sigui su curso manera stipula.

Na e parti pafo di e edificio di Stadhuis, por a wak con e camindanan rond di stadhuis a wordo cera pa trafico di motor, sperando asina e yegada di cada Minister cu a bay huramenta, pa por a yega mas facil na stadhuis.

Aparte di tur esaki, tambe por a wak diferente otro persona cu a bin pa apoya nan Minister of simplemente pa duna un bon bini na tur e Ministernan di Aruba. Tambe tabata tey diferente  Parlamentario cu tambe a bin duna sosten na e Ministernan cu mester bay huramenta.

Despues cu tur e ceremonia di huramentacion a tuma lugar, den compania cu Gobernador Sr. Alfonso Boekhoudt, tur e ministernan cu a huramenta, a sali pafo di Stadhuis, pa  saca un potret historico, prome cu nan a despedi di Gobernador Sr Boekhoudt, y por a continua cu e entrevistanan di parti di e personanan di media cu tabata presenta pa cubri henter e suceso aki.

DIARIO ta haci uso di e oportunidad aki, pa manda palabra di hopi exito, sabiduria, perseverancia, pasenshi, transparencia y dignidad na tur e Ministernan cu a huramenta pa asina forma e Gobierno di Aruba, pa periodo 2017 – 2021.

- Advertisement -

DUNA COMENTARIO

Please enter your comment!
Please enter your name here