Home Enseñanza Instituto Pedagogico Arubano cu Open Dag diasabra awor!

Instituto Pedagogico Arubano cu Open Dag diasabra awor!

10
0
SHARE
- Advertisement -

ORANJESTAD (AAN) – Na Instituto Pedagogico Arubano a tuma lugar un conferencia di prensa, conduci pa señor Berson Boekhoudt, Director di Estudionan Inicial na IPA, ken a invita nos comunidad pa un open dag cu e instituto ta organizando.

E evento aki ta Diasabra awor, dia 4 di November, cuminzando 10 or di mainta te 2 or di atardi. Den e horario aki lo duna informacion general den sesionnan.

Boekhoudt a duna di conoce cu lo tin diferente opleiding di cual lo duna informacion, por ehemplo e Prome Onderwijs. Esaki ta e opleiding pa maestronan di scol preparatorio y basico, unda lo difundi informacion en general.

Banda di e Prome Onderwijs tin e opleiding Movecion y Salud, cu ta bay cuminza cu un grupo na Augustus 2018 unda tambe lo duna informacion general. Ademas lo duna informacion tocante e Bachelor di Idioma. Sr. Boekhoudt a pone enfasis riba locual ta bay cuminza na Augustus 2018 y nan tine den plan.

NIVEL BACHELOR: Papiamento y Hulandes, pa cada un lo cuminza cu un grupo na Augustus proximo, y banda di esey tambe nan kier ofrece Ingles y Spaño. El a subraya cu tur esakinan ta den planning, pero prome nan kier sa si tin personanan interesa den e opleidingnan aki.

Boekhoudt a acentua tambe cu tur esakinan ta opleidingnan tempo completo.

Ademas di esakinan ta bay tin un Master Education Needs, cu si ta despues di oranan di trabao, dirigi na docentenan cu ta dunando les na scol basico, MAVO, VVO, HAVO. Lo tin sesionnan informativo riba esaki durante e open dag diasabra awor.

Sr. Boekhoudt ta sugeri pa drenta den nan website: www.ipa.com of facebook page Instituto Pedagogico Arubano, pa amplia e informacion tocante horario y informacion.

Sr. Boekhoudt a expresa cu tur hende ta bon bini diasabra awor di 10 or di mainta, pa 2 or di atardi na Instituto Pedagogico Arubano.

 

 

 

 

 

- Advertisement -

DUNA COMENTARIO

Please enter your comment!
Please enter your name here