Home Deporte Karatecanan di Aruba a haci bon papel den Open Curacao Karate...

Karatecanan di Aruba a haci bon papel den Open Curacao Karate Championship

19
0
SHARE
- Advertisement -

ORANJESTAD (AAN) –  Recientemente un delegacion grandi den e deporte di karate a biaha pa nos hermana isla di Corsow unda nan a representa Aruba na e Curacao Open Karate 2017.

Mester bisa cu na banda di tres seleccionado, algun scol miembro di Aruba Karate Bond tambe a competi na e evento aki.

Nos karatekanan a keda na un di dos lugar den e ranking di medaya, cual sigur ta un resultado hopi satisfactorio pa henter e delegacion.

Mas cu claro esaki ta bisa hopi con e federacion y e propio clubnan ta trahando na e bon desaroyo y progreso di nos hoben karatekanan. E seleccion di Aruba a keda representa pa Valeria Alzate kende a gana medaya di Oro den Kumite, mientras Christopher Carraha tambe a logra medaya di Oro den Kumite y medays di Brons den Kata.

E atleta Kevin Prada a logra un medaya di Brons den Kata.  Tin varios otro atleta cu tambe a logra hasi un bon papel den e Open di Corsow, unda Keanu Tromp ta logra medaya di Oro den Kumite y Plata den Kata, mientras Catherine Carraha ta logra dos medaya di Brons y un medaya di Oro.

Un danki sigur na Lotto, e Loteria di Aruba pa medio di St. Sportsubsidie Aruba cu a subsidia e biahe di e atletanan di Karate,  Christopher Carraha, Valeria Alzate y Kevin Lugo pa e Open Curacao Karate Championship 2017.

 

 

 

 

- Advertisement -

DUNA COMENTARIO

Please enter your comment!
Please enter your name here