Home Turismo Limpiesa na APA tabata pa acomoda tourbus banda di e tankinan grandi

Limpiesa na APA tabata pa acomoda tourbus banda di e tankinan grandi

26
0
SHARE
- Advertisement -

ORANJESTAD(AAN): Na 2016 a haci trabao di preparacion na tanki. A traha un entrada, a traha un facilidad pa busnan drenta y para eynan y poco poco nan por worde yama paden pa busca e pasaheronan, pa despues trece nan back. E plan ey no a drenta den funcion aña pasa.

Si mira e itinerario di e barco cruceronan cu ta bin e aña aki, ta hopi mas intensivo cu 2016, debi na otro cosnan natural cu a sosode. Por ehempel e horcan cu a dal St. Maarten, Puerto Rico y e otro areanan cu e barconan ta scoge Aruba como destinacion. Esey ta haci uzo di nos waf mas intensivo y cu tin cu tene cuenta cun’e, con ta bay pone drenta back den funcion.

Ora DOW traha, e ta traha na e margen di e tred Enan, cu ta Engineering, Enforcement, Education. Den e caso aki a haci tur e parti di Engineering, cu ta e parti infrastructural y fisico y loke ta trata enforcement, ta polis of APA, si e haya delegadonan pa controla e situacion of ta departamento di transporte publico, nan tin cu asumi nan rol pa por guia esaki.

A resulta cu DOW no a haya contacto cu polis ainda. Croes mes a yama alto comisario, pasobra kier a clarifica un ke otro y setup un afspraak di biaha, pa por elabora riba e situacion cu a sosote p’afo, conhuntamente cu representantenan di APA y DTP, pa por sinta hunto y wak kico DOW por nifica pa e parti infrastructural pa por yuda nan. Pa e parti di maneho di e situacion p’afo, e ta keda den man di APA, Cuerpo Policial of DTP pa haci esaki.

Pronto lo bay sinta pa por yega na un acuerdo con ta bay mitiga y deal cu e presion cu tin riba e uzo di nos waf awor aki.

Tin hopi cambio ta sosode riba trabao. Pa tur cambio chikito bo ta bay cerca bo top, pa bo haci e cambio. Pero riba bo mesun nivel, cu peers, ta busca e solucion y den margen di esey, ta informa nan superiornan. Esey ta sosode na DOW tambe. Pero den e caso specifico, ora ta inicia un cambio, mester informa comunidad di dje. Loke DOW ta purba haci cu tur trabao ta purba haci, ta saca comunicadonan di prensa, duna informacion na comunidad, pa nan sa kico ta e cambionan cu ta bay sosode. Den e caso aki, si ta e cambio di borchi cu polis a inicia, ta na su luga, cu nan tin cu duna e informacion eynan, Croes a splica.

 

- Advertisement -

DUNA COMENTARIO

Please enter your comment!
Please enter your name here