Home Politica Lo bin cu reglamentacion adicional pa evita oportunidadnan den spirito di corupcion

Lo bin cu reglamentacion adicional pa evita oportunidadnan den spirito di corupcion

130
0
SHARE
- Advertisement -

Lider di POR Otmar Oduber:

ORANJESTAD (AAN)—Durante e conferencia di prensa di Partido POR, Plataforma e Forza Nobo, Diahuebs mainta, su lider sr. Otmar Oduber a referi na un reglamentacion adicional, cu a bin dilanti na diferente ocasion, y cu tin di haber cu e oportunidadnan cu por tin, di crea un spirito di corupcion rond di, no solamente di politiconan sino di ambtenaarnan na nivelnan halto, y cu por kita e dudanan cu por tin, cu por ehemplo ora ta otorga tereno esaki ta tuma lugar na un forma cu no ta conforme ley, of cu tur hende no ta wordo trata igual, por ehemplo pa duna un permiso di trabao y hasta den servicionan di gobierno, unda esaki no ta bay segun e regla normal pero.

Lo percura pa crea e mecanismonan pa reglamenta y baha e posibilidad di por haci corupcion, y limita esaki, mas tanto posible.

Kiesverordering ta otro aspecto cu a wordo discuti unda lo institui un comision unda for di e prome aña, pa no tin e discusion mas prome cu eleccion. E puntonan cu a pone den e programa a cana e caminda no solamente den e spirito di ley cu a papia di ley, pero a firma un protocol cu esun cu haya mas voto ta esun cu ta drenta Parlamento. Esaki ta un di e cambionan cu nan kier mira den futuro.

Tambe e lider di POR a señala cu hopi ta wordo papia di automatizacion, manera cu e director di Censo a bisa cu na cierto momento mester cuminza realiza cu e margen di cambio y di tecnologia mester tuma lugar tambe den e proceso pa loke ta trata nos eleccion.

Fuera di esey tin e aspecto di Ombudsman cu mester wordo introduci, como tambe e Corte Constitucional cu tanto a papia di dje den pasado pa por fortifica nos sistema democratico, e check & balance y e derechonan cu nos hendenan tin.

Ademas di esaki e depolarizacion cu mester tin den nombramento y kitamento di hendenan y personal di gobierno. Pa hopi aña esaki a wordo discuti y awor ta wordo poni den programa di gobierno pa mustra cu den forma categorico lo bay atende riba esaki.

Tambe a papia varios biaha tocante e leynan di contabilidad unda ta wordo desvia for di e transparencia di bon gobernacion, unda antes e tabata sosode via un “Ministeriěle Beschikking”, hinke den papelnan cla y getek pa por desvia di destaho publico, awor den futuro e ley y maneho mester wordo prepara pa esaki unda cu e minister cu kier desvia di un destaho mester publica e Ministeriěle beschikking y e consehonan cu el a ricibi di e departamentonan concerni manera Financien y Central Accountings Dienst.

Un minister por desvia pero esey mester ta na un forma transparente y cu e motibonan pakico e ta haci esey. Esey lo trece confianza bek den nos comunidad, segun Otmar Oduber a subraya.

 

 

- Advertisement -

DUNA COMENTARIO

Please enter your comment!
Please enter your name here