Home Deporte Mañan atardi tin final di ITF Panamerican Championship

Mañan atardi tin final di ITF Panamerican Championship

22
0
SHARE
- Advertisement -

ORANJESTAD (AAN)- Den un Tropicana Beach Tennis completamente jen, ITF conhuntamente cu Beach Tennis Aruba a hasi e apertura oficial na e ITF Panamerican Championship pa e aña aki. Cu presencia di tur pais, cu excepcion di Bonaire kende nan vuelo no a jega na tempo, e desfile a tuma lugar.

E anochi a habri cu un press conference caminda representante di ATA, Sra. Tita Iglesias, pa ITF tabata presente Massimo, Vini Font kende a representa e ekipo di Brasil como e ekipo campeon di 2016, Maud Celaire representando su ekipo di Aruba y na ultimo, e representante di Aruba Lawn Tennis Bond, Sr. Ronny Tchong.

Pa a duna inicio oficial na e weganan Panamericano, e ekiponan di Bolivia, Ecuador, Chile, Puerto Rico, Colombia, USA, Venezuela, Argentina, Brasil y e team local di Aruba tabata bon representa. Un atmosfera increibel, cu presencia di bastante sigidor di e deporte di Beach Tennis, cu unicamente a segura tur presente, cu e aña aki un biaha mas, nan por spera hopi ambiente riba veld y pafor di e veld.

E prome weganan a cuminza ayeramainta y atardi a cuminsa bek desde 5or te laat anochi.

Awe Diasabra mainta 9’ or e weganan lo continua. Y ta sigui tambe atardi pa 4or. E semifinal nan lo tuma lugar mañan diadomingo pa 10’ or y tur e dianan y orario nan menciona lo tuma lugar na Tropicana Beach Tennis Club. Diadomingo atardi pa 4’or lo cuminsa e finalnan, cuminsando cu e hubenil, sigi pa final di doubles female, doubles male y e anochi lo termina cu e final di mix doubles.

- Advertisement -

DUNA COMENTARIO

Please enter your comment!
Please enter your name here