Home Enseñanza Material pa gym ta importante pa scolnan di Aruba

Material pa gym ta importante pa scolnan di Aruba

22
0
SHARE
- Advertisement -

ORANJESTAD(AAN): Edmond Fraser a pasa den hopi school na Aruba. El a splica cu pa hopi aña el a duna gym na Colegio San Antonio. Antes den e gymzaal bieu, nan tabata tin algun material.

Pero ora cu nan a renoba e school, nan a traha un gymzaal hopi bunita, pero a ripara cu no tin ningun material den dje. Pero esey tambe ta conta pa tur otro school unda cu tin gymzaal, pero no tin e material adecuado pa un gymleraar duna su les na un manera adecuado.

Awor aki, hunto cu Fundacion Sports 4 Youth, cu nan por haya e materialnan aki. Aunke ta materialnan refurbished, nan ta di bon calidad, y bon manteni y cu e schoolnan lo ta hopi contento cu nan por haya e materialnan aki pa e docentenan di educacion fisico duna les na un manera adecuado manera mester ta.

Fraser a sigui bisa cu e ta spera cu awo cu nan haya un cargacion grandi di 40 pia, tin mas na caminda. Ta di spera cu di e manera aki por yuda varios school yega na materialnan necesario pa duna les di gymnastiek adecuado.

Esakinan ta cosnan hopi importante pa duna muchanan cierto educacion fisico. E ta yuda nan build up tambe nan curpa. Ta algo hopi esencial, segun Fraser. Awendia si mira con gymlesnan ta worde duna, klas ta bay veld, ta keda scop un bala links y rechts y esey ta gymnastiek awendia.

Pero e no mester ta asina. Mester tin gymzaalnan. Den un gymzaal mester tin tur sorto di cos. Mester di cabuya, wandrekken, bok, banki, sprinkplank pa haci tur e cosnan aki, valmatten.

Tin valmatnan grandi, pa hoogspringen, tur sorto di deporte cu ta importante, manera pa atletiek mester di e matnan grandi. E materialnan aki ta sumamente importante pa duna les na un manera bon. Ta un donacion di hopi balor. Fraser a comenta cu tin cu calcula den placa, ta pasa por lo menos 100 mil Florin sigur.

 

 

- Advertisement -

DUNA COMENTARIO

Please enter your comment!
Please enter your name here