Home Politica MEP ta bay traha riba turismo di calidad y trece mas seguridad

MEP ta bay traha riba turismo di calidad y trece mas seguridad

220
0
SHARE
- Advertisement -

Dangui Oduber:

ORANJESTAD(AAN): Dangui Oduber durante e conferencia di prensa di MEP Dialuna a papia di turismo.

“Durante e 4 añanan den oposicion, casi semanalmente nos tabata atende cu e topico di turismo y ta importante awe pa nos comparti cu pueblo kico ta para den e programa di gobernacion di MEP, POR y RED, pa asina tur hende por ta na altura kico nan por spera di e proximo coalicion cu mester ta kedando cla den e dianan cu ta bin”.

Esaki segun Oduber, kende a sigui bisa cu semper MEP a boga pa turismo di calidad y cu esaki ta e enfoke principal den e programa di gobernacion.

“E importancia no ta solamente trece e turista pa nos pais, sino trece e turista cu ta gasta placa den nos economia”.

“Nos kier revitaliza Caya Betico Croes y converti esaki den un atraccion principal di ‘shopping’”.

Esaki segun e parlamentario, kende a sigui bisa cu su intencion ta pa pone den e maneho di ATA, pa Caya Betico Croes bira un atraccion special, na momento cu un turista bishita nos isla.

“Nos ta bay mercadea esaki y papia cu e stakeholders, pa mira con pa yega na un bon entendimento pa nos ‘upgrade’ Caya Betico Croes”.

“Nos mester pone mas atencion na mantencion, mirando cu matanan ta morto y e fonteinnan nunca a funciona”.

Oduber a sigui bisa cu MEP no ta kere den hotelnan grandi di 300 pa 400 camber, sino boutique hotel.

“Pesey nos a anuncia e hotel na Bushiri na estilo di boutique hotel cu no mas di 50 camber y esaki ta conta tambe pa San Nicolas”.

“E ora ey e peso riba Aruba no ta bira mucho grandi”, segun e parlamentario, kende a sigui bisa cu pa loke ta turismo di crusero, e intencion ta pa traha riba e waf mirando e mega-cruseronan cu tin cu ta carga mas cu 5000 pasahero.

El a indica cu e infrastructura riba nos waf na e momentonan aki no ta apto pa ricibi e tipo di cruseronan aki y pesey tin cu traha riba e infrastructura.

“Loke a bay perdi y ta hopi importante ta e seguridad”.

“No solamente pa habitantenan di Aruba, sino pa e bishitantenan”.

Oduber a bisa cu no por ta cu e turistanan ta wordo atraca riba e high rise strip of despues cu nan Sali for di supermercado.

E intencion ta tambe pa pone mas camara y iluminacion den e area di high rise, hunto cu mas polis manera di strand politie.

 

- Advertisement -

DUNA COMENTARIO

Please enter your comment!
Please enter your name here