Home Parlamento MEP ta cuestiona: na final di 29 aña e proyecto di Hospital...

MEP ta cuestiona: na final di 29 aña e proyecto di Hospital lo costa pueblo 864 miyon

116
0
SHARE
- Advertisement -

Parlamentario Glenbert Croes:

ORANJESTAD (AAN) – Den conferencia di prensa di fraccion di MEP, Parlamentario Glenbert Croes a indica cu e inversion original di e proyecto Hospital tabata di 180 miyon florin, pero awor a bin un suma adicional di 83 miyon, cu ta hacie 263 miyon total.

E Parlamentario a subraya cu ora tin un suma asina grandi mihor bay un destaho publico adicional, pasobra un suma di 83 miyon florin ta un proyecto riba su mes.

Tin hende cu kier argumenta cu si bay cambia e contratista aworaki, kizas esey por causa problema,  Croes a señala agregando cu e proyectonan aki ta proyectonan publico, kiermen cu proyecto na un forma directo of indirecto ta financia.

Esaki pasobra Gobierno tin un contrato cu SOGA unda e no ta bay paga 24 miyon florin pa aña manera tabata e intencion, pero awor ta 29.9 miyon florin anual durante 29 aña largo. Esaki ta suma alrededor di 864 miyon florin na final di 29 aña, di placa di pueblo.

Croes a subraya cu ora di traha cu placa di pueblo e realidad ta cu e pais ta keda mara na e procesonan debi di destahonan publico, y esaki mester ta transparente. Si no ta bay asina, mihor e gobierno tin un bon argumento pasobra un proyecto asina mester ta mara na calidad.

Segun Glenbert Croes nan a manda un par di hende experto den e materia aki, comosifuera di bishita, y loke nan a wak ta cu e calidad di e proyecto no ta bon.

Glenbert Croes a remarca cu ora cu tin 180 miyon na proyecto contrata y loke expertonan ta indica na MEP, cu loke tin eynan ta mas of menos 100 miyon florin kiermen cu tin 80 miyon florin cu hendenan no sa unda e suma aki a bay. Anto riba dje ta pidi 80 miyon florin mas.

MEP a trece como argumento, cu por a traha un hospital na San Nicolas cu 80 miyon florin. IMSAN ta bezig cu un proyecto aworaki, y MEP ta kere cu contrario na loke gobierno saliente a bisa cu nan ta preparando pa traha un hospital di diez camber, pa tur e desaroyonan cu ta bay bin den e distrito, entre otro e refineria, mester tin un hospital completo. El a subraya cu ora ta anda cu placa di pueblo, mester hacie na un forma serio, pasobra e no ta gobierno su placa!

Ta placa di pueblo e ta! Segun e parlamentario gobierno di AVP no ta contento pasobra MEP a atacha e integridad di SOGA.

 

- Advertisement -

DUNA COMENTARIO

Please enter your comment!
Please enter your name here