Home Parlamento Miembronan di Staten tin te 22 di November pa haci pregunta riba...

Miembronan di Staten tin te 22 di November pa haci pregunta riba e cambionan den e ley electroral

43
0
SHARE
- Advertisement -

Dangui Oduber (MEP)

ORANJESTAD   (AAN):  Durante un reunion di comision central a trata e agenda punt di e cambionan di e ley electoral. Presidente di parlamento Sr Besaril a duna e oportunidad pa por añadi e punto di agenda aki  pa asina den e reunion di comision central discuti esaki.

Manera ta conoci e cambionan di e kiesverordening (ley electoral) ta den su fase final y loke falta ainda promer cu e ley yega sala di parlamento pa votacion, ta pa miembronan di parlamento haya e oportunidad pa haci pregunta encuanto e ley aki.

Den e reunion di comision central diaranzon a wordo dicidi cu miembronan di parlamento lo haya te cu dia 22 di November 2017 pa haci preguntanan encuanto e cambionan den e ley electroral.

Una vez e preguntanan wordo ricibi e initatiefnemersnan cu ta mi persona  y lider di partido Sra Evelyn Wever Croes lo mester contesta e preguntanan aki. Na momento cu tur pregunta a wordo contesta e ley ta CLA pa wordo presenta den sala y vota riba dje.

“Mi tin pleno confianza mirando e constelacion actual di parlamento cu e ley aki lo ricibi un mayoria sigur den sala. Mi kier a gradici sigur presidente di parlamento sr Besaril cu a demostra cu e ta un presidente hopi active, cu ta cumpli cu su deber y obligacionnan y a brinda tur cooperacion pa e proceso di e ley aki sigui cana su caminda. Contrario na ex presidente Wyatt Ras cu a scoge pa mas bien tranca e proceso promer cu eleccion pa e no bira realidad promer cu eleccion.

Nos lo keda mantene comunidad informa riba e fecha cu e ley aki lo wordo trata y manera nos a bisa den campaña, nos ta bisa loke nos ta bai haci y nos ta haci loke nos a bisa”, Oduber a bisa.

- Advertisement -

DUNA COMENTARIO

Please enter your comment!
Please enter your name here