Ministro demisionario Richard Arends ta contento cu recuperacion economico

    91
    0
    SHARE
    - Advertisement -

    ORANJESTAD(AAN): AVP a tene su conferencia di prensa caminda a enfoca riba e ultimo publicacion di Banco Central unda cu a indica e estado di nos economia.

    Richard Arends di AVP a splica cu hopi satisfaccion e resultado di un maneho hopi structural y dedica riba recuperacion economico ta dunando su fruto. E ta confirma e pronosticonan cu a haci pa loke ta trata e proyeccionnan economico, pero tambe e proyeccionnan cu a uza den presupuesto tambe y esey ta duna e confianza cu pa fin di aña nan lo logra e meta cu nan a pone nan dilanti na inicio di aña.

    A anticipa un crecemento economico di 3.4%. Esaki tabata basa riba inversionnan primordialmente publico y priva di riba 1 biyon di Florin y ta mira awor aki cu esaki ta worde cumpli cun’e. Gradualmente nos a pone cu a yega na e di cuater kwartaal di 2017 y e resultado di e prome kwartaal ta publica, caminda cu e pronosticonan faborabel cu lo tin ta segun schedule, di loke a anticipa, nan ta worde cumpli.

    E base di e proyeccionnan economico cu tabata tin ta crecemento den turismo y rehabilitacion di e refineria. Pero tambe e efecto di plan grandi di inversion cu a inicia den Gabinete Mike Eman I. Inversionnan den infrastructura, inversionnan den energia y tambe inversionnan den areanan publico. Inversionnan den diferente area ta dunando su fruto.

    Turismo ta dunando e fruto substancial. E prome kwartaal di 2017 no ta haci diferencia. Si mira e cantidad di turistanan cu a bin, excluyendo esunnan di Venezuela, tabata tin crecemento. Loke ta tourism receipt, a aumenta cu casi 3.5%. Loke e hotelnan ta gana esta e REVPAR, entrada pa cada habitacion ta casi 7%. E cantidad di loke turismo ta laga atras tambe a aumenta. A inverti den calidad y no solamente cantidad.

    Ta mirando awor aki e frutonan di esaki.

    E otro punto, un pilar historico y importante ta e rehabilitacion di e refineria. Na 2016 a yega na e acuerdonan pa loke ta rehabilitacion di nos refineria, hunto cu Citgo. Den e prome kwartaal di 2017 ta mira caba importacionnan di e cantidad di makinaria y material ta mirando su e entrada y cu tin di haber cu e refineria y esaki un biaha mas ta worde confirma door di Banco Central.

     

    - Advertisement -

    DUNA COMENTARIO

    Please enter your comment!
    Please enter your name here