Home Cultura Monumentenbureau ta sigui cu nan charla “kico ta un monumento” na tur...

Monumentenbureau ta sigui cu nan charla “kico ta un monumento” na tur scol basico

5
0
SHARE
- Advertisement -

ORANJESTAD(AAN)– Monumentenbureau ta sigui cu nan charla “Kico ta un monumento” na tur scol basico di Aruba, un proyecto cu a cuminsa maart 2017. E prome charla a tuma lugar na scol Reina Beatrix.

Reina Beatrix a wordo scogi como e prome scol door cu e ta un monumento protega. Minister President, sr. Mike Eman y directora di Monumentenbureau, sra Yvonne Webb-Kock, tambe a sinta hunto cu e alumnonan den klas pa sigui e charla aki, cu a wordo presenta door di sra. Daphne Every. E charla “Kico ta monumento” ta wordo duna na tur 4de, 5de y 6de klas. E charla tin un duracion di 45 minuut.

Monumentbureau ta e departamento experto di gobierno encarga cu monumento. E departamento di Gobierno ta stipula kico ta bira monumento, ta protega monumento, documenta, registra, restaura, ta organisa Paseo Monumental y tambe tin tur informacion general di monumento, etc.  Monumentenbureau despues di a haci basta investigacionnan ta cuminsa comparti nan experticio cu scolnan.

“Nos ta gradici tur e directivanan di e scolnan DPS, SKOA, SPCOA, SVEOA pa a duna nan aprobacion cu por duna e charla aki educando nos muchanan. E charla “Kico ta un monumento” tin un duracion di tres aña. Monumentenbureau ta duna tambe material nan e scol cu por wordo usa bek pa les. E maestronan di e scolnan cu a haya e charla aki caba a informa cu nan ta hopi contento cu e charla. E maestronan ta usa e informacion y material pa duna lesnan extra pa fechanan di 25 di januari y 18 di maart. E muchanan tambe ta bisa cu  nan ta gusta e materia y despues di e charla por puntra pregunta. Nan sa soprende nos cu hopi pregunta interesante”, segun Monumentenbureau.

Actualmente e charlanan ta wordo duna dor di sr. Edward Robles y sr. Patrick Christiaans, ambos tecnico den restauracion na Monumentenbureau. E charlanan semper ta wordo duna riba diaranson mainta. Hopi biaha scolnan ta warda pa puntra pa luna di maart, pa dia di bandera y e schema sa yena hopi liher.

Monumentenbureau ta recomenda tur  scol y nan maestronan cu kier na scol bin riba e lista pa e schooljaar 2017-2018 pa yama Monumentenbureau na 5835938 y puntra pa sr. Edward Robles. Por mail tambe na monumentenburo@setarnet.aw of message nos via nos Facebook page: Monumentenbureau. Monumentenbureau ta preparando mas charla y por anticipa cu “Nos cas florea” tambe lo bira un siguiente charla cu lo bai duna den futuro cercano na e scolnan.

- Advertisement -

DUNA COMENTARIO

Please enter your comment!
Please enter your name here